Po'unde-unde 123:4 - Wunta Mempori

⁴ sumangamami mowohiakoomo pasinggirido mia anu pomperodo, saru pompokongkodeido mia anu mpompelangka-langkai.

Po'unde-unde 123:4 ပူးပေါင်းရင်းမြစ်များ

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Ayubi 12:5

Asa pontetewehi a mia masola, kanatuumo pohaweno mia anu rodo tuwuno, asa ponsepi a mia anu telendo karuno.

Ayubi 16:4

Aku koa mokompepau mbo'u kana omiu, ande-andeno omiu a mpo'iangaku; aku mompotuda pau ndi omiu, ka kupobitu-bitu uluakomiu.

Po'unde-unde 119:51

Lansara ntu'u ipopodeu-deu aku mia mompelangka-langkai, sine nahi kupansia inso a Songka-Miu.

Yesaya 32:11

Imedoitomo, hei ana beine anu mentuwu rodo, impondidi-ndidimo, hei ana beine anu mentuwu nahina monsosanggoli, lohuomo ka ime'euomo sangkamiu, impokonaomo sawu po'inombo a ntongamiu!

Yesaya 32:9

Hei beine anu mentuwu rodo, impewangumo, rongeomo suaraku, hei nana'ote beine anu mentuwu nahina monsosanggoli, pekokoongakonomo pinauku!

Yeremia 48:11

Moabi tuwu sanaa mompu'u da imongura, onae tuwu rodo kana anggoro a wawo potonduano. Onae nahi tinawa inso a ngkusi anu asa a ngkusi anu susua, nahi hori mewinso a pontadia; onaemo pu'uno namino kongko mpiha ndi onae, ka woono nahi bali.

Yeremia 48:27

Kombake hieno Isaraeli gagi mia tinawa ndi omiu? Nde hinawe i olodo mia mponakoke onae, onaemo ka ubitu-bitu ulu, sompo upepau mongkona onae?

Yeremia 48:29

Kimerongeomo mongkona pompe'anu-anuno, Moabi, anu tedoa mompe'anu-anu: pompelangka-langkaino, pompe'anu-anuno, konangi-nangino, ka pompe'uru-uruno.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

WINEWEUDO TINENA 17:21

Hangano to Atena ka mia mehawe anu mpo'ia i tu'ai nahina tempodo mpoweweu anu susua sangkadio mpompau ke mporonge luwuakoano anu da sarai.

WINEWEUDO TINENA 17:32

Mansado merongeo mongkona pewangudo mia mate, onaemo ka ihina anu mompopodeu-deu, ka anu mehano mpotae, ”Ambapo kimerongeo upepau mongkona atuu.”

WINEWEUDO TINENA 26:24

Kontongaano i Paulu pauo luwuno atuu ta tumutuluo luwuno inanggano, mepauomo meroku i Pesutu, ”Mekombeko Paulu! Tino'orimu anu hadio atuu mokomekombeko.”

1 KORINTI 4:13

tewala mempinosebe kami, kimesangkio mpiha moiko; megagi kamimo mpengkena kana rompono wawontolino, mengkena saru anu mokoburu inso a luwuakoano. Hawe kanandio-andio.

1 Samueli 17:42

Mansano to Pelisiti atuu mengkita ka ikitao i Daudi, ipe'uru-uruo hangano i Daudi da mongura, kombisino mororontaha ka montama rupano.