Po'unde-unde 119:1 - Wunta Mempori

¹ Me'uraomo mia anu tuwuno nahina tataano, anu tuwu montonda Taura-Do i Ue.

Po'unde-unde 119:1 ပူးပေါင်းရင်းမြစ်များ

2 Samueli 22:22

hangano kutondao mpiha sala-Do i Ue ka nahi ku'olai inso ndi Ondae Ue Alaku kana mia mosa'o gauno.

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 1:8

Ka Do'amba mesikeno i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o.”

Po'unde-unde 101:2

Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Po'unde-unde 101:6

Mataku te'aro a mia anu metenunu i wita andio, ka dompo'ia saru ongkue. Mia anu tuwu nahina tataano, ta mekakaakune.

Po'unde-unde 112:1

Haleluya! Me'uraomo mia anu doitoako Ira i Ue, anu tedoa ineheno a luwuno parenta-Do.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Powadi 11:20

Mia anu molengku aroano mokoburu-Do i Ue, sine mia anu nahina tataano, pesalaano Dopemoikoo.

Powadi 13:6

Menteea dumagaio mia anu mempori pesalaano, sine gau mosa'o sumolangio mia tehala.

Powadi 29:18

Tewala nahina mengkaaa, gagiomo mo'ila palili. Me'uraomo mia anu me'ini a songka.

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

I YOHANE 13:17

Tewala imento'orio luwuno andio, meme'ura komiumo, tewala imeweweuo.

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.