Po'unde-unde 111:9 - Wunta Mempori

⁹ Doweeako ira potolaa a bawaa-Do, Dopakosio ka ipinake dandi-Do ranta nahina tampulaano; mempori ka mongkokongiriomo nee-Do.

Po'unde-unde 111:9 ပူးပေါင်းရင်းမြစ်များ

2 Samueli 23:5

Komba kanatuuke somboriku i aro-Do Ue Ala? Hangano moweweu Iramo pedandia anu nahi ta bali saru ongkue, luwuno pinalele ka manasa ta tinonda. Hangano luwuno tekaduduia ka pinerorohiku, komba Ondaeke anu weweuo kai mentumba?

1 Tawarika 16:15

Impewowoloomo pedandia-Do ranta nahina tampulaano, pau anu pinakosi-Do tiano asa nsowu api ntumuwu,

Po'unde-unde 111:5

Dopoweeako ira kaanga mia anu doitoako Ira. Dorambeo pedandia-Do ranta nahina tampulaano.

Po'unde-unde 89:7

Nde isemake a laro nseru anu mengkena saru Ondae i Ue, anu mengkena kana Ondae i Ue i olono luwuno pinesombai?

Po'unde-unde 99:3

Po'ineeomo dome'unde-undeo nee-Miu anu langkai ka mongkokongiri; Ondaemo anu mempori!

Po'unde-unde 99:5

Pelangkai Iramo i Ue, Ue Alato, penggolontuumo pesomba a mpelandaano karu-Do! Ondaemo anu mempori!

Po'unde-unde 99:9

Pelangkai Iramo i Ue, Ue Alato, ka penggolontuumo pesomba a ntorukuno-Do anu mempori! Hangano Ondae i Ue, Ue Alato, mempori!

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 15:13

A pompehohawa-Miu i taate ira bawaa anu tinolosi-Miu; Hangano roso-Miu i taate ira hawe a mpo'ianga-Miu anu mempori.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

I MATIU 1:21

Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”

I LUKASI 1:49

hangano Doweweuomo Anu Tedoa Pabawa luwuno wineweu langkai ndi ongkue ka nee-Do memporiomo nee-Do.

I LUKASI 1:68

”Inunde-unde Iramo i Ue, Ue Alado to Isaraeli, hangano hawe Ira kumitao bawaa-Do ka mowawaako ira tolaa,

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 28:58

Tewala nahi mpetenunu meweweuo luwuno pauno songka Taura anu binuri a laro wunta andio, ka nahi medoitoakono Nee anu maramba ka mongkokongiri andio, ndi Ondae i Ue, Ue Alamiu,

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

IBARANI 9:12

ka mewinso Iramo pohona a laro po'ianga mempori ranta nahina tampulaano komba saru mowawa reano bimba lakino ka reano ana nsapi, sine saru mowawa rea-Do Ondae-Do. Ka saru atuu mohawe Iramo tepotolaa anu nahina tampulaano.

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.