Po'unde-unde 111:2 - Wunta Mempori

² Langkai luwuno wineweu-Do i Ue, tekona domemparesao luwuno mia anu ineheakono.

Po'unde-unde 111:2 ပူးပေါင်းရင်းမြစ်များ

Ayubi 37:14

Ta'oomo biri a luwuno atuu, hei Ayubi, pomperodomo, ka pekokoongakonomo luwuno wineweu-Do Ue Ala anu kinohali-haliako.

Ayubi 37:7

Ondae monaakono tondonino a ngkaeno sompo mia ka domento'orio luwuno mia wineweu-Do.

Ayubi 5:9

Ondae weweuo luwuno wineweu langkai ka nahi pinokohawe laro, saru luwuno anu kinohali-haliako anu nahi pinokopau hadiono.

Ayubi 9:10

anu weweuo luwuno wineweu langkai anu nahi kinookoo, ka luwuno anu kinohali-haliako anu nahi pinokopau hadiono.

Po'unde-unde 104:24

Hadio ntu'u wineweu-Miu, oo Ue, luwuno Ipokogagiakono ponto'ori anu mentee, tolino bukeako pinokogagi-Miu.

Po'unde-unde 104:34

Po'ineeomo wuano pinewowoloku mo'ahi iteronge ndi Ondae! Aku mo'unde hangano Ondae i Ue.

Po'unde-unde 107:43

Isema anu hinao ponto'orino anu mentee? Po'ineeomo ka ipe'ini a luwuno atuu, ka mekokoongakono luwuno pompehohawa-Do i Ue.

Po'unde-unde 118:15

Suara kokora-kora memawongko ka ponangia teronge a ngkemado mia mentee, ”Kae ngkoana-Do i Ue moroso montulungi,

Po'unde-unde 139:14

Montarimakasi aku ndi Omiu hangano ongkue pinokogagi montonda rupa-Miu; kinohali-haliako hapa anu wineweu-Miu, ka ito'orio ntu'u sumangaku.

Po'unde-unde 143:5

Kurambeo luwuno oleo anu telaloomo, kuwela mewuao luwuno wineweu-Miu, kupenootio wineweuno kae-Miu.

Powadi 17:16

Hapa tuduno doi a ngkaeno mia monge-monge? Nde ta mo'oliako ponto'ori anu menteeke sekono onae nahi molino pinewowolono?

Powadi 24:14

To'oriomo, kanatuu koa mbo'u ponto'ori anu mentee tiano sumangamu: Tewala uhaweo, ta hina oleo lembuimu, ka pomperorohimu nahi ta tetadi.

Puu Pontutulu 3:11

Luwuakoano Doweweuo tekosi ia tempono, tendeano Dopoweeako ira anu nahi bali a laro aroado. Sine, mia nahi pokohawe laroo anggaa anu wineweu-Do Ue Ala inso a pompu'uano hawe pokotompaano.

Yesaya 40:12

Isema monsa'uako pelengkaeno uwoi ntahi ka langi isongkaakono otuweno, awu wita isa'uakono ponsa'u, luwuno torukuno itimbaakono neraca, ke luwuno pongku mompake pontimba?

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 8:6

Hangano po'eheno tuwu ntolino onaemo matea, sine po'ehe-Do Penaa onaemo tuwua ka rodoa.

EPESU 1:19

ka tedoa langkai pabawa-Do ndi ontae anu mpompe'ala-ala, menunu saru rosono pabawa-Do,

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!