Po'unde-unde 11:7 - Wunta Mempori

⁷ Hangano Ondae i Ue atuu moleo ka Dopehohawao moleoa; mia anu bobotoli aroano ta kumitao rupa-Do.

Po'unde-unde 11:7 ပူးပေါင်းရင်းမြစ်များ

Ayubi 36:7

Nahi Dolimbao pengkitano mata-Do inso a mia mentee, sine numaa ira ranta nahina tampulaano i horido luwuno mokole a wawo ngkadera poparentaa, onaemo ka domempinelangkai.

Po'unde-unde 146:8

Ondae i Ue umungkahio matano mia anu morawu, Ondae i Ue mokomorosoo mia anu tetuundu telusa, Ondae i Ue mehohawao mia mentee.

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 21:6

Langkai marambano hangano ponangia anu Iweeakono; potoro langkai ka mewanta Iweeakonomo.

Po'unde-unde 33:18

Menteeano, mata-Do i Ue te'aro ndi ondae anu doitoako Ira, ndi ondae anu mpomperorohi pompehohawa-Do anu nahi bali,

Po'unde-unde 33:5

Dopesanaao moleoa ka songka; tolino bukeako pompehohawa-Do i Ue anu nahi bali.

Po'unde-unde 34:15

olaiakonomo anu mosa'o ka weweuomo anu moiko, ungkeomo pesintuwua ka uhaweomo!

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 42:5

Ndiomo anu aku mewowoloo, kontongaano sumangaku tedoa mompemasusa; kana'umpe kupelempa a laro baresino hadio mia, wawa ira a raha-Do Ue Ala saru suara mengkokora-kora mawongko ka penani po'unde-unde, a laro maroado mia anu mpoweweu porame-ramea.

Po'unde-unde 45:7

Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

Po'unde-unde 45:8

Omue kumekewoio moleoa ka umo'aliaakono pinogau mosa'o; onaemo pu'uno Ondae Ue Ala, Ue Alamu, umariomo Do'urapiakomu lana po'unde lumaloi ira wali-wali pe'asa mpo'anggamu.

Po'unde-unde 5:12

Po'ineeomo luwuno mia anu mepekadudui ndi Omiu memawongko, po'ineeomo domengkokora-kora memawongko ranta nahina tampulaano. Po'ineeomo Ikongkomi ira, ranta anu mehohawao nee-Miu mawongko hangano Omiu.

Po'unde-unde 7:11

Ondae Ue Ala onaemo kantaku, puu pongkaduduido mia anu bobotoli aroano;

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Powadi 15:9

Pesalaano mia mosa'o gauno mokoburu-Do i Ue, sine isema mo'ungke menteea, Dopehohawao.

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

1 PETURU 3:12

Hangano mata-Do i Ue te'aro a luwuno mia mentee, ka biri-Do a mpo'emado anu mpepetulungi, sine rupa-Do i Ue umewai ira mia anu mpoweweu mosa'o.”

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

MENGKAAA 22:4

ka ira mengkitao rupa-Do, ka nee-Do ta teburi a ra'ido.