Po'unde-unde 11:4 - Wunta Mempori

⁴ Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 11:4 ပူးပေါင်းရင်းမြစ်များ

1 Tawarika 17:5

Nahi Kuhori mo'ia a laro raha tumampu'u Kutaate ira to Isaraeli mpeluarako hawe oleo andio, sine Ongkue melimba-limba inso a ngkema lumako a ngkema susua, ka inso a mpo'ianga aasa lumako a mpo'ianga susua.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

Ayubi 24:23

Ondae Ue Ala moweeakono rodoa anu gagi pomperorohiano, ka dumagaio luwuno pesalaano.

Po'unde-unde 103:19

Ondae i Ue mokorosoo kadera poparentaa-Do i suruga ka poparentaa-Do pabawa a luwuakoano.

Po'unde-unde 113:5

Isemake kana Ondae i Ue, Ue Alato, anu mo'ia a mpo'ianga anu mantande,

Po'unde-unde 139:23

Iparesa akumo, oo Ue Ala, ka Ito'oriomo aroaku, I'arahakunemo ka Ito'oriomo luwuno pinewowoloku;

Po'unde-unde 14:2

Ondae i Ue mensiro inso i suruga a luwuno anano mia Ira kumitao, ke hinao anu molino pinewowolono ka umungke Ira Ue Ala.

Po'unde-unde 18:6

kolorono tolinodo mia mate wewesi aku, luwuno pompete'umala matea tina'o i aroku.

Po'unde-unde 2:4

Ondae, anu mo'ia i suruga, mengingisi; Ondae i Ue mopodeu-deu ira.

Po'unde-unde 33:13

Ondae i Ue mensiro inso i suruga, Dokitao luwuno anano mia;

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Po'unde-unde 66:7

anu moparentaako roso ka mosia anu nahina tampulaano. Mata-Do moposooo luwuno tongku, ka si dompompelangka-langkai anu me'ewa. Sela

Po'unde-unde 9:11

Kanatuumo anu tumo'orio nee-Miu me'ala-ala Komiu, hangano Omiu nahi bintao mia anu umungke Komiu, oo Ue.

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Yesaya 66:1

Kanandiomo pau-Do i Ue: Langi onaemo kadera poparentaa-Ku ka tolino onaemo pelandaano karu-Ku; raha hapake komiu mpowangua-Kune, ka po'ianga hapake anu ta gagi penaa-naaa-Ku?

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 23:24

Ande-andeno asa mia mewuni a mpo'ianga tewuni, nde nahi Aku kumitaoke? kanandiomo pau-Do i Ue. Kombake Kubuketio langi ka tolino? kanandiomo pau-Do i Ue.

Mika 1:2

Imerongeomo, hei luwuno tongku! Impekokoongakono, hei tolino saru ihino! Po'ineeomo Ondae Ue Ala gagi sakosii ndi omiu, onaemo Ondae i Ue inso a raha-Do anu mempori.

Habaku 2:20

Sine Ondae i Ue kongko Ira i laro raha-Do anu mempori. Imerodomo mpo'ia i aro-Do, oo luwuno tolino!

Sakaria 2:13

Penoro-noromo, hei luwuno anu tuwu i aro-Do i Ue, hangano mentade Iramo inso a mpo'ianga-Do anu mempori.

I MATIU 23:21

Ka ba isema mesumpaako Raha Mempori, ipesumpaako Raha Mempori ka ndi Ondae, anu mo'ia i tu'ai.

I MATIU 5:34

Sine Kupauakomiu: Osi'i ntu'u impesumpa, moiko mesakosiiako langi, hangano langi po'ianga-Do Ue Ala,

WINEWEUDO TINENA 7:49

Langi onaemo kadera poparentaa-Ku, ka tolino onaemo pelandaano karu-Ku. Raha hapake anu komiu mpowangua-Kune, kanandiomo pau-Do i Ue, po'ianga kana'umpeke ta gagi penaa-naaa-Ku?

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

MENGKAAA 4:2

Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.