Po'unde-unde 109:20 - Wunta Mempori

²⁰ Po'ineeomo luwuno atuu inso ndi Ondae i Ue ka igagi tambono mia anu tumuluri aku, ka tambono mia anu mompau mosa'o mongkona ongkue.”

Po'unde-unde 109:20 ပူးပေါင်းရင်းမြစ်များ

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Samueli 18:32

Sine ondae mokole mesikeno a nto Etiopia atuu, ”Da tekaduduikoake i Abisalo, mia mongura atuu?” Sumangki to Etiopia atuu, ”Po'ineeomo kana mia mongura atuu iwalimiu ueku mokole ka luwuno mia anu mpentade umewai komiu saru tinoo mosa'o.”

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 71:10

Hangano luwuno iwaliku mempopau aku, mia anu mpomporaakono penaaku teriso mperonga-ronga

Po'unde-unde 94:23

Ira mombalo a mpoweweudo anu mosa'o, ka hangano poweweudo anu mosa'o Ira mepate ira; Ondae i Ue, Ue Alato, Ira mepate ira.

I MATIU 11:19

Ka i'amba i Ana Manusia hawe, Ondae mongkaa ka mo'inu, ka dompotae: Kitaomo, Ondae asa mia modoko mongkaa ka mara mpo'inu, sambe'edo puu popumpu sima'ulu ka mia ntehala. Sine ponto'ori mentee inso ndi Ondae Ue Ala pinokomentee hangano wineweuno.”

I MATIU 12:24

Sine mansado merongeo to Parisi, dompotae, ”Saru pabawano i Belesebu, tadulakodo onitu nsa'o, Doponsaariako onitu nsa'o.”

I MARAKUSU 9:39

Sine Dopotae i Yesu, ”Si me'ontoo! Hangano nahina maupo te'asa mia anu moweweuomo kinohali-haliako a nee-Ku, polio mepaukia-Kune i tempo koa mbo'u atuu.

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

1 KORINTI 12:3

Onaemo pu'uno ka kupauakomiu, nine nahina maupo te'asa mia anu mepau hangano Penaa-Do Ue Ala, mokompotae, ”Tetotonaa Iramo i Yesu!” ka nahina maupo te'asa mia, anu mokomangaku, ”Ondae i Yesu Ue,” sangkadio hangano Penaa Mempori.

2 TIMOTIU 4:14

I Alesanderi, puu mpolabu mala atuu, hadioomo ipoweweu mosa'o ndi ongkue. Ondae i Ue Ira mombaloakune montonda wineweuno.