Po'unde-unde 106:41 - Wunta Mempori

⁴¹ Dopeweengako iramo a ngkaedo luwuno tongku, ranta luwuno mia anu umo'aliaako ira pabawai ira.

Po'unde-unde 106:41 ပူးပေါင်းရင်းမြစ်များ

2 Samueli 24:14

Sumangki i Daudi ndi Gadi, ”Tedoa aku mompemasusa. Po'ineeomo tontedonta a ngkae-Do i Ue hangano langkai ntu'u pompehohawa-Do, sine siimo kutedonta a ngkaedo mia.”

Yehesikieli 16:27

Kitao, Ku'ewaikomo ka kupokurao tiamu saru meweengakomu a mpo'ehedo mia anu umo'aliaakomu, luwuno beine to Pelisiti anu mokoko'iido kumitao pelelumu anu mokoburu atuu.

Winali 28:25

Ondae i Ue Ira weweukomiu ntenangi i arodo iwalimu. Inso a asa nsala impeluarako sumapoi ira, sine opitu nsala komiu mpolai inso i arodo. Komiu megagi mongkokongiriado luwuno poparentaa i tolino.

Winali 28:29

Komiu mperare i tempono ntonga oleo, kana asa mia morawu merare a laro wongi-wongi. Pelempaamiu nahi ta me'ura, sine komiu wela mpino'emai ka merinontu, ka nahina anu montulungi.

Winali 28:33

Asa tongku anu nahi imento'orio ira mengkaano hasilino witamiu ka luwuno hasilino pe'iseiamiu; komiu wela mepinokonsii ka melinolanda.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Puu Mpobitara 15:11

Ka i'amba mpetii ira tolu nsowu mia inso ia tongku Yehuda lumako a ngkunepo torukuno watu Etami ka dompotae ndi Simeso, ”Nahi uto'orio ke, motae to Pelisiti mempabawa ira ndi ontae? Tembio kau poweweu kanandio ndi omami?” Sine isangki ira, ”Kana'umpe domeweweu aku, kanatuu koa mbo'u kuweweu ira.”

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

Puu Mpobitara 3:12

Sine to Isaraeli da mpoweweu ira mbo'u anu mosa'o i aro-Do i Ue. Ondae i Ue weweuo i Egelo, mokole to Moabi, pabawai ira to Isaraeli, nde mpoweweu ira anu mosa'o i aro-Do i Ue.

Puu Mpobitara 3:14

Hopulu ka oalu nta'u tehineno to Isaraeli mpetenunu ndi Egelo, mokole to Moabi.

Puu Mpobitara 3:8

Onae pu'uno ka itensila tekuda-Do i Ue a nto Isaraeli, onae ka Do'asa ira a nto Kusani-Risataimi, mokole Arami-Mesopotamia. Ka to Isaraeli mpetuundu ira ndi Kusani-Risataimi oalu nta'u tehineno.