Po'unde-unde 104:5 - Wunta Mempori

⁵ Omiu motakoo tolino a wawo empehino, onaemo ka nahi ta telelu ranta nahina tampulaano.

Po'unde-unde 104:5 ပူးပေါင်းရင်းမြစ်များ

Ayubi 26:7

Ondae Ue Ala wileo langi utara i wawono anu mooa, ka ndumoeo tolino nahina ihino.

Po'unde-unde 119:90

Petenunu-Miu nahi penaa-naa mapa'api-api inule; Ipontadeomo tolino ranta ka ipentade moroso.

Po'unde-unde 136:6

Ndi Ondae anu wileo tolino a wawo uwoi! Menteeano ranta nahina tampulaano pompehohawa-Do.

Po'unde-unde 24:2

Hangano Ondaemo anu numaao a wawo ntahi malua ka anu montadeo a wawo luwuno korono.

Po'unde-unde 33:9

Hangano Ondae mepau, ka luwuno gagi; Ondae mompowee parenta, ka luwuno hinao.

Po'unde-unde 93:1

Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

Po'unde-unde 96:10

Pepaumo i olodo luwuno tongku, ”Ondaemo i Ue Mokole! Mentee ntu'u, tolino mentade, nahi ta telelu. Ira bitarao luwuno tongku a laro menteea.”

Powadi 8:29

tempono Dotantuio tidano tahi, ka si limpaio uwoi parenta-Do, ka tempono Dopakosio luwuno empehino tolino,

Puu Pontutulu 1:4

Inule anu asa lumako ka inule anu susua hawe, sine tolino kongko mpiha.

2 PETURU 3:10

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 6:14

Ka tenonoomo langi kana paluluno wunta anu pinalulu ka tepaheomo luwuno torukuno ka togo inso a mpo'iangano.

1 Samueli 2:8

Dopokoroso ira mia molema inso a ntebobarasaiado, ka Dotande ira mia mongkokolaro inso a marasaiado, ka Dompontoro ira saru luwuno ulea mokole, ka mpohawe ira pentoroa anu pinelangkai. Nde Ondae i Ue pu'uno wawontolino, i wawono Donaao wawo wita.