Po'unde-unde 103:19 - Wunta Mempori

¹⁹ Ondae i Ue mokorosoo kadera poparentaa-Do i suruga ka poparentaa-Do pabawa a luwuakoano.

Po'unde-unde 103:19 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

1 Tawarika 29:12

Hangano pompolia ka marambaa inso ndi Omiu ka Omiumo anu pabawa a luwuakoano. A ngkae-Miumo roso ka pompolia; a ngkae-Miumo pabawa mompokolangkai ka mompokomoroso luwuakoano.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Po'unde-unde 2:4

Ondae, anu mo'ia i suruga, mengingisi; Ondae i Ue mopodeu-deu ira.

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 9:7

iwali pingko iramo memate, wela gagi howuno anu terawo: luwuno kota Ibuta iramo; tampula rambeado.

Yesaya 66:1

Kanandiomo pau-Do i Ue: Langi onaemo kadera poparentaa-Ku ka tolino onaemo pelandaano karu-Ku; raha hapake komiu mpowangua-Kune, ka po'ianga hapake anu ta gagi penaa-naaa-Ku?

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.