Po'unde-unde 102:14 - Wunta Mempori

¹⁴ Omiumo anu Komiu mentade ka mehohawao Sioni, hangano haweomo tempono ka Ipehohawao, haweomo tempo anu pinakosi.

Po'unde-unde 102:14 ပူးပေါင်းရင်းမြစ်များ

Esera 1:5

Onaemo ka dompepatinda petewawado suku Yehuda ka to Benami saru luwudo sando mpesomba ka to Lewi, sompo mia anu aroano Doleluo Ue Ala ka ipekule mowangu Raha-Do i Ue i Yerusale.

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Nehemia 1:3

Mpotae ira ndi ongkue, ”Luwuno mia anu tebinta i ra'ai, anu nahi domentinawa, mekongko ira a laro masukaraa langkai ka mepinokongkodei. Benteno Yerusale rinongkaomo ka luwuno pewowa langkai sinongkoomo.”

Nehemia 2:17

Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.”

Nehemia 2:3

Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?”

Nehemia 4:10

Mpotae iramo to Yehuda, ”Rosodo anu mpontande watu terawo molemaomo, kahinaano watu terawo da hadio ntu'u. Nahi kami mempolio wali mewanguo bente andio.”

Nehemia 4:2

ka ipotae i arodo pepaekompono ka sorodadu Samaria, ”Hapake menteeano anu wineweudo to Yahudi anu molema andio? Nde hinaoke anu pinokorosodo? Nde ira mpowawa pesombadoke? Nde ira koa mpoko'umario i larono asa oleo? Nde ira wali mpotuwu ira watu inso a howuno anu terawo anu pingkoomo mo'ai?”

Nehemia 4:6

Sine, kimewanguo mpiha bente hawe entonga mantandeno ka ranta kaitepotowo tompano, hangano luwuno tongku mpo'angga tompaano aroado.

Po'unde-unde 119:126

Ndiomo tempono Dopelelu i Ue, hangano Songka-Miu domelimpaiomo luwuno mia.

Po'unde-unde 79:1

Penani po'unde-undeno i Asapi. Oo Ue Ala, luwuno tongku susua domensapoi iramo mia-Miu, mengkokoburutio raha mempori-Miu, meweweuo Yerusale gagi howuno anu terawo.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yesaya 40:2

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i Ue meluka mpendua hangano halano.

Yesaya 51:3

Hangano Ondae i Ue tumareroo Sioni, tumareroo luwuno tehoano; Ondae weweuo pada oneno kana i Paradesi ka pada maluano kana lere-Do i Ue. I tu'ai hinawe mawongkoa ka po'undea, penani po'unde-unde ka unino penani anu meroku.

Yeremia 29:10

Mentee ntu'u kanandiomo pau-Do i Ue: Tewala sompoomo pitu pulu nta'uno Babeli, ka Ku'amba aiwa kumita komiu. Aku umihiio dandi-Ku ndi omiu saru mokule komiu a mpo'ianga andio.

Yeremia 30:18

Kanandiomo pau-Do i Ue: menteeano, Aku momuleo teweweudo kemano i Yako, ka mehohawao luwuno po'iangano, kota atuu ta wali winangu i wawono anu terawo-rawo, ka benteno atuu ta mentade a mpo'iangano amba-ambano.

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Ruti 1:6

Nahi tehine mepatindaomo saru orua ira ponino, ira mpekule inso i wita Moabi, nde irongeo motae dopehohawa iramo i Ue bawaa-Do ka moweeako ira kaanga.