Po'unde-unde 102:1 - Wunta Mempori

¹ Pekakaino asa mia marasai, tempono itelusa molema ka moluarako masusano i aro-Do i Ue.

Po'unde-unde 102:1 ပူးပေါင်းရင်းမြစ်များ

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 143:4

Rosoku molema telusa a laro ngkoroiku, aroaku tedoa penonso.

Po'unde-unde 143:7

Rongamo Isangki aku, oo Ue, pingkoomo rosoku! Si wuniakune rupa-Miu, ranta ka kugagi kana ondae anu mpetii a ngkekeno kaburu.

Po'unde-unde 145:19

Ondae umihiio po'eheno mia anu doitoako Ira, merorongeakono peraalido mpepetulungi ka kumadudui ira.

Po'unde-unde 18:6

kolorono tolinodo mia mate wewesi aku, luwuno pompete'umala matea tina'o i aroku.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Po'unde-unde 42:4

Uwoi mataku gagi kaangaku meene ka wongi, hangano i larono asa oleo mia mpotae ndi ongkue, ”Isua Ira Ue Alamu?”

Po'unde-unde 5:2

Irongeomo pinauku, oo Ue, Iperioomo pompemasusaku.

Po'unde-unde 61:2

Po'ineeomo ka Irongeo pebooliku, oo Ue Ala, perioomo pekakaiku!

Po'unde-unde 62:8

Ndi Ondae Ue Ala po'iangano tekaduduiaku ka marambaku; torukuno watu rosoku, pepekaduduiaku ndi Ondae Ue Ala.

Po'unde-unde 77:3

A oleo masusaaku ku'ungke Ira i Ue; i tempono wongi kaeku tewero ka nahi gagi telusa, aroaku nahi behe tinarero.

Peluarakoa 2:23

Tehine umari atuu mateomo mokole i wita Masiri. Sine to Isaraeli mpe'anaiki ira hangano pompe'ata. Mpeboo-booli ira, hangano pompe'ata atuu ka peboolido mpepetulungi, hawe ndi Ondae Ue Ala.

Ponsabangi 3:44

Omiu mesoumbuako seru, ranta nahina pekakai anu haweako.

Ponsabangi 3:8

Maupo kupebooli ka meraali mepetulungi, Dokominoakono pekakaiku.

I LUKASI 22:44

Tedoa Ira doito ka komoro-morosono Dopekakai. Ko'iso-Do kana iti-itino rea anu nte'i'iti a wita.

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”