Po'unde-unde 101:2 - Wunta Mempori

² Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Po'unde-unde 101:2 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

2 Samueli 8:15

Kanandiomo i Daudi moparenta a luwudo to Isaraeli. I Daudi tumeahakono moleoa ka menteea a luwuno tongkuno.

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 9:4

Omue mbo'u, tewala tuwuko i aro-Ku mengkena kana i Daudi, amamu, saru a moleono aroamu, tuwu moleo, ka moweweu menunu saru luwuno anu Kuparentaakomu, ka tewala upekariao luwuno pompakosi ka atora-Ku,

2 Tawarika 15:17

Maupo luwuno po'ianga pesombaa nahi rongkao i Isaraeli, sine i Asa moleo mpiha aroano asa ntinuwuno.

2 Tawarika 30:12

Kae-Do Ue Ala mo'angga ndi Yehuda mokobobotolio aroado ka domeweweuo parentano mokole ka luwuno petewawa, menunu saru pau-Do i Ue.

Po'unde-unde 101:6

Mataku te'aro a mia anu metenunu i wita andio, ka dompo'ia saru ongkue. Mia anu tuwu nahina tataano, ta mekakaakune.

Po'unde-unde 119:106

Mesumpa akumo ka aku umihiio, aku me'ini a luwuno songka-Miu anu moleo.

Po'unde-unde 119:115

Ime'olaimo inso ndi ongkue, hei luwuno anu mpoweweu mosa'o; aku uminio luwuno parenta-Do Ue Alaku.

Po'unde-unde 26:11

Sine po'eheku aku tuwu nahina tataano; Ipotola akumo ka Ipehohawa akumo.

Po'unde-unde 40:17

Po'ineeomo domemawongko ka mpo'unde hangano Omiu luwuno mia anu umungke Komiu; po'ineeomo ondae anu mpokekewoi tekaduduia inso ndi Omiu kongko mpiha mpotae, ”Ondae i Ue atuu langkai!”

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Yesaya 38:3

Ipotae, ”Oo, Ue, po'ineeomo ka Irambeo nine tuwu akumo metenunu i aro-Miu ka inso a moputeno aroaku; moweweu akumo hapa anu moiko a pongkita-Miu.” Ka i'amba i Hisikia mengese tedoa mompemasusa.

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

1 Samueli 22:14

Sumangki i Ahimele ndi mokole, ”Isema mbo'u umarino i Daudi anu ta pine'ala-ala, tamoako onae ponimiu mokole ka onae tadulako sorodadu anu dumagai komiu ka pinelangkai a laro somborimiu?