Po'unde-unde 100:3 - Wunta Mempori

³ To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 100:3 ပူးပေါင်းရင်းမြစ်များ

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

1 Tawarika 16:14

Ondaemo i Ue, Ue Alato, i asa wawontolino melempa pompakosi-Do.

Ayubi 10:3

Hapa ura-Miu moweweu pompokonsiia, tumadio hasilino wineweuno kae-Miu, ka mokorosoo tinoono mia mosa'o gauno?

Po'unde-unde 119:73

Kae-Miumo mokogagi ka weweu aku, Ipowee akumo pompokonto'ori ka kupolio mepaguruakono luwuno parenta-Miu.

Po'unde-unde 12:4

Po'ineeomo Ue Iseseio luwuno wiwi anu mo'ahi ka sompo elo anu labampau.

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 46:10

anu mokompenaa-naao peteaa hawe i tompano tolino, anu puduo wo'eno pana, mokobondao kansai, anu sumongko ira kareta mpetea!

Po'unde-unde 78:52

tempono Dowawa ira bawaa-Do kana luwuno bimba, ka wawa ira kana bawaano pinotuwu i pada one;

Po'unde-unde 79:13

Ka omami andio, bawaa-Miu, ka bawaano bimba pinakambi-Miu, kami me'unde-unde Komiu ranta nahina tampulaano, ka kami mempaleleo po'unde-unde tia-Miu mapa'api-api inule.

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Puu Pontutulu 12:1

Pewowolo Iramo Anu mokogagiko i tempono umongura, se'eluno napi hawe oleo anu urasa'o ka me'umpedaako ta'u anu pinaumu, ”Nahina pompesanaaku i larono”;

Yesaya 63:11

Ka i'amba nterorambe iramo bawaa-Do a tempo se'eluno, tempono i Musa: Isua Irake anu wawa ira mpewuatako inso a ntahi meronga saru luwuno puu mpopakambi bawaano bembe bimba-Do? Isua Irake anu numaao Penaa-Do anu mempori a laro ngkoroido;

Yesaya 63:19

Kana ntu'u mompu'u i ndi'ipua se'eluno nahi kimehori mpo'ia i totono poparenta-Miu, kana ntu'u omami nahi hori pinau saru nee-Miu.

Yesaya 64:7

Nahina anu moboio nee-Miu ke anu me'usaha metako ndi Omiu; hangano Omiu wunio rupa-Miu ndi omami, ka meweengako kami alaro pokungkuno salamami.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Yehesikieli 34:11

Hangano kanandiomo pau-Do Ue Ala: Menteeano Ongkue isa'a merio ira bimba-Ku ka umungke ira.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

Winali 4:35

Luwuno atuu pinopokita ndi omiu kai mento'orio nine Ondaemo i Ue, Ue Ala, nahina anu susua sangkadio Ondae.

Winali 4:39

Onaemo pu'uno imento'oriomo a oleo andio ka impekokoongakono, nine Ondaemo i Ue, Ue Ala anu i langi i wawono ka i tolino i totono, nahina anu susua.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.