Po'unde-unde 10:5 - Wunta Mempori

⁵ Luwuno wineweuno wela mehasili; luwuno songka-Miu mantandeno lahi; iperuanahi ira luwu anu umewaio.

Po'unde-unde 10:5 ပူးပေါင်းရင်းမြစ်များ

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

2 Samueli 5:6

Ondae mokole ka luwuno miado melako i Yerusale, sumapoi ira to Yebusi, palilino wita atuu. Mpotae ira ndi Daudi, ”Omue nahi kopolio mewinso i ndi'ai! Mia morawu ka mia tiimpa karu ta koa mokosaari komiu!” Pinewowolodo i Daudi nahi ta mokompewinso i ndi'ai.

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

Ayubi 24:23

Ondae Ue Ala moweeakono rodoa anu gagi pomperorohiano, ka dumagaio luwuno pesalaano.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 73:3

Hangano mosa'o aroaku ndi ondae anu melaba mpau, tewala kukitao manangaido mia mosa'o gaudo.

Powadi 1:19

Kanatuumo poko'ariano sompo mia anu modokoako me'uraa nahi pototono, me'uraa atuu umalao penaano anu me'ueo.

Powadi 15:24

Sala ntuwuano mia molino pinewowolono me'aro i wawono, ka i'olaiakono tolinodo mia mate i totono.

Powadi 2:13

inso ndi ondae anu mebintao pesalaa anu moleo ka mentondao pesalaa wongi-wongia;

Powadi 2:15

anu molengku pesalaano ka pansia peleluno;

Powadi 24:1

Si mosisiriakono mia mosa'o wineweuno, si behe pebawaako ira.

Yesaya 10:1

Memasola ira ntu'u anu metantuio luwuno pompakosi anu nahi moleo ka meweweuo luwuno pomputusi anu lambaha,

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 42:25

Onaemo pu'uno, Do'uwuo ndi onae mokulano tekuda-Do ka mongkokongirino peteaa, anu mokomo'aio inso a luwuno siuno, sine nahi pe'o'oleakono, ka anu tumunuo, sine nahi pekokoongakono.

Yesaya 5:12

Katapi ka gambusu, rebana ka siloli, saru anggoro mokomaroao luwuno pogawedo, sine wineweu-Do i Ue nahi pinelangkai ka inangga-Do i Ue nahi pinerio.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

ROMA 3:16

Tekalea ka matea domenaa ira a nsalado,

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.

Puu Mpobitara 9:38

Sumangki i Sebula ndi onae, ”Kanandio, isua wiwimu anu motae: ’Isema i Abimele atuu, ranta kato megagi atano?’ Komba mia andiodo ke anu pinokongkodeimu? Lakomo, kau pe'iwaliako ira.”