Po'unde-unde 10:16 - Wunta Mempori

¹⁶ Ondaemo mpiha i Ue Mokole ranta nahina tampulaano. Luwuno tongku tampula inso i wita-Do.

Po'unde-unde 10:16 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 146:10

Ondae i Ue moparenta ranta nahina tampulaano, Ue Alamu, oo Sioni, mapa'api-api inule! Haleluya!

Po'unde-unde 29:10

Ondae i Ue mo'ia a wawo uwoi mowo, Ondae i Ue mo'ia gagi Mokole ranta nahina tampulaano.

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Po'unde-unde 9:15

ka kupopauo luwuno wineweu-Miu anu inunde-unde ka meboo-booli hangano tekaduduia inso ndi Omiu a mpewowa langkaino ana beine Sioni.

Po'unde-unde 9:5

Hangano Omiu umalaakono kara-karaku ka tiaku, Omiu mentoro a wawo ngkadera poparentaa gagi puu mpobitara anu moleo.

Po'unde-unde 9:8

Sine Ondae i Ue mentoro moparenta ranta nahina tampulaano, kadera poparentaa-Do Dopontadeo ka Dopolempao pobitaraa.

Po'unde-unde 93:1

Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

Peluarakoa 15:18

Omiu Ue moparenta ranta nahina tampulaano.”

Yesaya 33:22

Hangano, Ondaemo i Ue puu mpobitarato, Ondaemo i Ue tadulako sorodaduto; Ondaemo i Ue mokoleto, Ira kumadudui kita.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Ponsabangi 5:19

Omiu, oo Ue, mentoro a kadera poparentaa-Miu ranta nahina tampulaano, kadera poparentaa-Miu kongko mpiha sompo tempo!

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Winali 8:20

Kana luwuno tongku anu pinepate-Do i Ue i aromiu, omiu mbo'u komiu memate, hangano nahi mebehe merongeo pau-Do i Ue, Ue Alamiu.”

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.