Po'unde-unde 10:14 - Wunta Mempori

¹⁴ Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 10:14 ပူးပေါင်းရင်းမြစ်များ

Tegagia 21:17

Dorongeo Ue Ala suarano nana'ote tama atuu, ka i'amba Mala'eka-Do Ue Ala mebooli inso i langi ndi Hagari. Ipotae ndi onae, ”Hapa anu gagi ndi omue, Hagari? Si doito, hangano Dorongeomo Ue Ala suarano nana'ote atuu inso a tepomboleano.

Tegagia 31:12

Ka Do'amba mepau, Pengkitamo ngkoraane ka kitaomo nine luwuno bawaano bembe bimba lakino anu malii ira bawaano bembe bimba atuu mpeloba-loba, mpeboti-boti ka mpenggori-nggori, hangano Kukitaomo luwu anu wineweuno i Laba ndi omue.

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 9:26

’Menteeano indiawi, Kukitao reano i Naboti ka reado luwuno anano’, pau-Do i Ue, ’ka Aku mombalo ndi omue i lere andio’, kanandio pau-Do i Ue. Onaemo pu'uno tandeo ka petadiakono a lere andio, menunu saru pau-Do i Ue.”

2 Tawarika 24:22

Mokole Yoasi nahi pewowoloo petenunu anu itisoakono i Yoyada, amano i Sakaria a ngkoroino ka ipepateo anano i Yoyada atuu. Tamo haweako tempono mate, onae mebooli, ”Po'ineeomo Dokitao i Ue ka Dopombalo!”

2 Tawarika 6:23

po'ineeomo ka Iperorongeakono i suruga, weweuo ka bitara ira tetenaa-Miu: mombalo wineweuno mia anu sala ka mopotembiakono ndi onae, ka mokomenteeo mia anu mentee saru moweeakono pombalo ndi onae menunu saru menteeno.

Po'unde-unde 146:9

Ondae i Ue dumagai ira mia mehawe, nana'ote nahina amano ka tuwu beine Dowali mokoroso ira, sine pesalaano mia mosa'o gauno Dopokogagio.

Po'unde-unde 22:11

A mpo'awia-Miu ongkue pineweengakoomo mompu'u kuhina, mompu'u a laro mpe'anakaado ineku Omiumo Ue Alaku.

Po'unde-unde 31:8

Aku meboo-booli ka mo'unde hangano pompehohawa-Miu nahi bali, hangano Ipepenteeomo marasaiku, Ito'oriomo ma'isono sumangaku,

Po'unde-unde 35:22

Omiu mbo'u Isakosiiomo, Ue, si penoro-noro, oo Ue, si olai inso ndi ongkue!

Po'unde-unde 55:22

ngangano moloreopo sekono mantega, sine onae montoo mesapoi; pepauno molusaopo sekono lana, sine menteeano ponai binuta.

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Po'unde-unde 68:6

Ondae Ue Ala a mpo'ianga-Do anu mempori onaemo Amado nana'ote nahina amado ka Puu Mpo'alaakodo tuwu beine,

Peluarakoa 2:25

Ondae Ue Ala mensiroi ira to Isaraeli atuu, ka Doperio ira.

Peluarakoa 22:22

Asa mia tuwua beine ke nana'ote nahina amano, si pokonsiio.

Peluarakoa 22:26

Tewala mansako mo'ala lemba meloeno pe'asa miamu gagi pe'inia, asalakono pokuleo ndi onae napi sumoo oleo,

Powadi 15:25

Rahano mia mompelangka-langkai Dopobangkuo i Ue, sine tida witano asa mia tuwu beine Dokorahakono.

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Yesaya 10:3

Hapake anu komiu meweweuo a oleo pohukua, ka a oleo matea anu hawe inso a olaiano? Ndi semake komiu mpelulu mpepetulungi, ka isuake imebintao pompolimiu?

Yeremia 16:17

Hangano mata-Ku te'aro a luwuno peleludo. Luwuno atuu nahi tewuni inso a pongkita-Ku, ka sala mpoweweudo mbo'u nahi tererei inso a pongkita-Ku.

Yeremia 23:24

Ande-andeno asa mia mewuni a mpo'ianga tewuni, nde nahi Aku kumitaoke? kanandiomo pau-Do i Ue. Kombake Kubuketio langi ka tolino? kanandiomo pau-Do i Ue.

Yeremia 49:11

Binta iramo anamu nahina amado, Ongkuepo motuwu ira; po'inee iramo tuwu beinemu mpomperorohi ndi Ongkue!”

Yeremia 51:56

sine i Babeli ta hawe anu monsolangi. Luwuno sorodaduno ira merinako ka luwuno panado ta pinudu, hangano Ondae i Ue onaemo Ue Ala anu mombalo, manasaomo Ira moweweu pombaloa!

Ponsabangi 3:59

Ikitaomo nahi moleoa ndi ongkue, oo Ue; Iweeakunemo moleoa!

Ponsabangi 3:60

Ikitaomo luwuno pombalodo, luwuno tinoodo ndi ongkue.”

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Yoeli 3:4

Ka mbo'u, hapa penggoeamu saru Ongkue, hei Tirusi, Sidoni ka luwuno wita Pelisiti? Nde komiu mingki mensulooke wineweu-Ku? Tewala hinao wineweumiu ndi Ongkue, manasa magasi ka Aku koa ronga mosuleo wineweumiu atuu ndi omiu.

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Winali 10:18

Ondae mo'alaako tiado nana'ote nahina amado ka tuwu beine ka mehohawa ira mia hawe saru moweeako ira kaanga ka sangka.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.

1 PETURU 5:7

Impeweengakonomo luwuno pinorerengkomiu ndi Ondae, hangano Ondae anu mekaria komiu.

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.