Po'unde-unde 1:3 - Wunta Mempori

³ Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Po'unde-unde 1:3 ပူးပေါင်းရင်းမြစ်များ

Tegagia 39:23

Petewawa torungku nahi salo-saloo luwuno anu ipe'ala-alaakono i Yusupu, hangano Ondae i Ue kumongkomio ka maupo hapa anu inanggano Ondae i Ue weweuo mehasili.

Tegagia 39:3

Ueno kumitao nine Ondae i Ue kumongkomio ka nine maupo hapa anu inanggano, Doweweuo i Ue mehasili.

2 Mokole 18:7

Ondae i Ue kumongkomio, maupo isua ilako mehasili. Onae umewaio mokoledo to Asuri ka nami petenunu mbo'u ndi onae.

1 Tawarika 22:11

Kanandio-andio, oo anaku, po'ineeomo Ondae i Ue kumongkomiko, ranta kau pokowanguo raha-Do i Ue, Ue Alamu, kana anu pinau-Do mongkona omue.

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

2 Tawarika 31:21

A sompo anggaa anu pinu'uno tiano pompekakaako i Raha-Do Ue Ala, ka tiano weweuano Taura ka parenta-Do Ue Ala, i'ungkeo pontiso-Do Ue Alano. Luwuno iweweuo tompaano aroano, onaemo ka ipehasili.

2 Tawarika 32:23

Hadio mia mpowawa pesomba i Yerusale tia-Do i Ue ka luwuno sangka masuli tiano i Hisikia, mokole i Yehuda. Mompu'u i tu'ai dompelangkaio luwuno tongku.

Ayubi 14:9

mansano mowoo uwoi, onae mentumbaomo, ka moluarako sampano kana wuku mpinopaho anu bosiomo.

Ayubi 22:28

Tewala upakosiomo hinao ta wineweumu, asalakono mehasili, ka mewine wantahio luwuno pesalaamu.

Po'unde-unde 128:2

Omue kokumaano hasilino pe'iseino kaemu, me'urakomo hangano moiko teweweumu!

Po'unde-unde 129:8

ranta luwuno mia anu telalo nahi ta motae, ”Poronso-Do i Ue ndi omiu! Omami rumonso komiu a nee-Do i Ue!”

Po'unde-unde 92:14

ondae anu mempinaho a Raha-Do i Ue ira mentumba a kintala-Do Ue Alato.

Po'unde-unde 92:15

Maupo tempono mota'u da mpewua ira, madoo mpiha ka moroso,

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 3:10

Pauako iramo mia mentee, moiko ntu'u teweweudo a lembuiano, hangano ira mpongkaa hasilino inanggado.

Yesaya 44:4

Ondae ira mentuwu i olono ewo, kana luwuno keu gandarusa a wiwi waaano uwoi.

Yesaya 58:11

Ondae i Ue Ira tumaateko mpiha ka mokosompoo kirenemu a wita anu morungku, ka mokowo'ohuo rosomu. Omue ta kana lere anu inuwoi moiko ka kana mata uwoi anu nahi hori mompatambo.

Yeremia 17:8

Onae ta kana keu anu pinaho a wiwi uwoi, anu lumele hakano a wiwi ngkorono, ka nahi ta membasaio haweno mokula oleo, anu leweno kongko molowulu, anu nahi danggara i larono ta'u motu'i-tu'i, ka anu nahi penaa-naa moluarako wuano.

Yehesikieli 17:8

Kahinaano, onae pinaho a lere anu moiko, umpeda uwoi anu hadio ntu'u, ka ipesampa-sampa, mewua, ka gagi keu anggoro anu moiko.

Yehesikieli 19:10

Inemu anu me'asa rea saru omue kana keu anggoro, anu tepaho umpeda uwoi, mewua ka mesampa hangano uwoi anu hadio ntu'u.

Yehesikieli 31:5

Onaemo pu'uno tuwuno lalu ondau inso a luwuno keu a mpada; luwuno sampa motutuno gagi hadio, luwuno sampano gagi ondau hangano waaano uwoi anu hadio ntu'u.

Yehesikieli 47:12

A orua wiwino korono atuu tuwu mperupa-rupa keuno wua kaanga anu leweno nahi moleu ka wuano nahi hori pingko. Sompo wula keu atuudo mehasiliako wua anu wo'ohu, hangano mohawe uwoi inso a mpo'ianga mempori atuu. Wuano gagi kaanga ka leweno gagi pakuli.”

Podoaa 24:6

Kana lembono anu tewile molue, kana lere a wiwi ngkorono, kana keu gaharu anu pinaho-Do i Ue, kana keu arasi a wiwi ngkorono.

I MATIU 13:6

Sine mansano saba oleo, moleuomo ka gagi mokari hangano nahi pehaka.

I MATIU 21:19

Rangku a nsala Dokitao keu ara ka Do'amba lumako tu'ai, sine nahi Dopohawe hapa-hapa a ngkeu atuu sangkadio butu leweno. Dopotaeakono keu atuu, ”Nami komewua mbo'u ranta nahina tampulaano!” Ka i tempo koa mbo'u atuu mokariomo keu ara atuu.

I MATIU 21:34

Tempono rangkuomo tempo po'opua, itena ira atano melako a mia mpo'angga lere atuu ka domentarimao hasili anu gagi tiano.

I MATIU 21:41

Mpotae ira ndi Ondae, ”Onae ta mepate ira mia memosa'o atuudo ka lere anggorono ta metamboakono a mia mpo'angga lere anu susua anu ta weeakono hasilino ia tempono.”

I YOHANE 15:6

Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai.

Winali 28:8

Ondae i Ue Ira parentao poronso-Do i wawomiu ia nsi'emiu ka i luwuno inangano kaemiu. Ira rumonso komiu i wita anu Doweeakomiu i Ue, Ue Alamiu.

YUDASI 1:12

Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.

MENGKAAA 22:2

I tonga-tongano batatanano kota atuu, onaemo a mompombali wiwi ngkorono atuu, hadio keu tuwua anu mewua pempulu ka orua, sompo-sompo wula pohona; ka leweno keu atuudo pinake mompokotompa luwuno tongku.