Po'unde-unde 1:1 - Wunta Mempori

¹ Me'uraomo mia anu nahi pelempa tumondao po'oluakono mia mosa'o gauno, anu nahi pentade a mpesalaano mia tehala, ka anu nahi pentoro a tepumpuado mia mponggari-nggari,

Po'unde-unde 1:1 ပူးပေါင်းရင်းမြစ်များ

Tegagia 49:6

Ka si mansa koroiku tetonda a mpedandiado mpoweweu mosa'o, ka si mansa tepo'asa aroaku saru tepumpuado, a laro ntekudado ondae pompepate mia ka montonda po'ehedo mpototopi dii-diino sapi.

Tegagia 5:24

Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

2 Tawarika 22:3

Itondao mbo'u gau ntumuwuno somborino i Ahabi, hangano ineno patuduo kai poweweu anu mosa'o.

Ayubi 10:3

Hapa ura-Miu moweweu pompokonsiia, tumadio hasilino wineweuno kae-Miu, ka mokorosoo tinoono mia mosa'o gauno?

Ayubi 21:16

Mentee ntu'u, manangaido komba a ngkaedo ondaedo! Tinoodo mia mosa'o gaudo olai inso ndi ongkue.

Ayubi 31:5

Tewala ongkue mewowaliako anu nahi mentee, ke karuku dumaduo pompopo'oo,

Po'unde-unde 1:6

hangano Ondae i Ue tumo'orio pesalaano mia mentee, sine pesalaano mia mosa'o gauno te'aro a matea.

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 112:1

Haleluya! Me'uraomo mia anu doitoako Ira i Ue, anu tedoa ineheno a luwuno parenta-Do.

Po'unde-unde 119:115

Ime'olaimo inso ndi ongkue, hei luwuno anu mpoweweu mosa'o; aku uminio luwuno parenta-Do Ue Alaku.

Po'unde-unde 144:15

Me'uraomo tongku anu kanatuu teweweuno! Me'uraomo tongku anu Ue Alano onaemo Ondae Ue!

Po'unde-unde 146:5

Me'uraomo mia anu montarima pontulungi inso ndi Ondae Ue Alano i Yako, anu pomperorohiano ndi Ondae i Ue, Ue Alano:

Po'unde-unde 146:9

Ondae i Ue dumagai ira mia mehawe, nana'ote nahina amano ka tuwu beine Dowali mokoroso ira, sine pesalaano mia mosa'o gauno Dopokogagio.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 26:12

Karuku mentade a wita anu merete; aku umunde-unde Ira i Ue a laro bawaa.

Po'unde-unde 34:8

Mala'eka-Do i Ue mpekema lumimbu ira mia anu dumoitoako Ira, ka do'amba mpotola ira.

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 64:2

Oo Ue Ala, Irongeomo suara pompemasusaku, dagaiomo penaaku inso a iwali anu lambaha.

Po'unde-unde 81:12

Sine bawaa-Ku nahi domerongeo pepau-Ku, ka i Isaraeli nahi behe ndi Ongkue.

Po'unde-unde 84:12

Hangano Ondae Ue Ala onaemo mata'oleo ka kanta; pe'aroa ka marambaa Dopeweengakono; nahi Do'ontoo moikoa a mia anu tuwu nahina tataano.

Powadi 1:15

Hie anaku, omue si tuwu tumondao peleludo, ontoomo karumu inso a mpesalaado,

Powadi 1:22

”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Powadi 13:15

Pinewowolo molino anu moiko mowawa pompehohawa, sine pesalaado anu mpompau nahi mentee sumolangi ira.

Powadi 13:20

Isema mebawaaako mia pande mosongka gagi pande mosongka, sine isema mewali-waliako mia monge-monge gagi urasa'o.

Powadi 19:29

Pohuku tetinda tiano anu mompasinggiri ka petunduhi tiano torukuno mia monge-monge.

Powadi 2:12

ka utola inso a nsala mosa'oa, inso a mia anu mompau pompopo'oo,

Powadi 3:34

Tewala Ondae mo'aropi anu mompasinggiri, Ondae mbo'u mompasinggiri, sine mia anu me'urumako Dopehohawao.

Powadi 4:19

Pesalaano mia mosa'o gauno atuu kana wongi-wongi; nahi domento'orio hapa pu'uno ka dontetidu.

Powadi 9:12

Tewala omue pande mosongka, pandemu mosongka atuu tiamu omuemu, tewala omue mompasinggiri, omue isa'a anu kotumembio.

Yeremia 15:17

Nahi kupentoro saru mia mpompemaroa a laro ntepotowoado mia anu mpepau mpemae-mae. Podansono kae-Miu weweu aku mentoro asa-asaku, hangano Ibuketiakunemo bamburu-Miu.

Yeremia 17:7

Rinonsoomo mia anu momperorohi ndi Ondae i Ue, anu me'ala-alaakono koroino ndi Ondae i Ue!

Yehesikieli 20:18

Kupepauako ira anado i pada one: Siimo imentuwu montonda luwuno pompakosido amamiu, siimo impe'ini a luwuno atorado, ka koroimiu siimo imengkokoburutiakono luwuno lahumoado.

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I LUKASI 23:51

Onae nahi pemoikoo pompakosi ka wineweudo Majelisi atuu. Onae inso i Arimatea, aasa kotado to Yahudi ka onae monsisikori Poparentaa-Do Ue Ala.

I YOHANE 13:17

Tewala imento'orio luwuno andio, meme'ura komiumo, tewala imeweweuo.

I YOHANE 20:29

Motae Ira i Yesu ndi onae, ”Hangano ukita Akumo, onaemo ka upompe'ala-ala. Meme'ura iramo anu nahi domengkitao, sine mpompe'ala-ala.”

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

EPESU 6:13

Onaemo pu'uno ime'alaomo luwuno parewa mpetea-Do Ue Ala, ka impokompe'ewa koa a oleo anu mosa'o atuu ka kongko mpentade, umarino impoko'umario luwuakoano.

Winali 14:6

Sompo kondehora anu mekuku tebansi, kukuno me'olo ondau gagi orua, ka anu wali mongai kaangano i olono kondehora, moiko imengkaano.

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”

1 PETURU 4:3

Hangano hadioomo ntu'u tempo pinakemiu meweweuo po'ehedo mia anu nahi domento'ori Ira Ue Ala. Mentuwu komiumo a mperupa-rupa po'eheno koroi, mosisiria, molangua, mpogawe langkai, pelimbua mpo'inu ka pompesombaia lahumoa anu inonto.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.