Ponsabangi 5:7 - Wunta Mempori

⁷ Amamami mpoweweu ira hala, ondae nami domekongko mbo'u, ka omami anu mentembio mosa'oado.

Ponsabangi 5:7 ပူးပေါင်းရင်းမြစ်များ

Tegagia 42:13

Ka do'amba mesangki, ”Omami atamiu andio hopulu ka orua mpepaekompo, ana inso a asa ama i wita Kana'a, sine anu tompasusu kanandio-andio kongko ndi ondae amamami ka anu asa mia mbo'u nami kongko.”

Tegagia 42:36

Motae i Yako, amado, ndi ondae, ”Imeweweu aku ka dontetadi anaku: i Yusupu nami kongko mbo'u, i Simeo nami kongko mbo'u. Kanandio-andio maupo i Benami komiu mewawao mbo'u. Ongkuemo anu tumembio luwuno andio!”

Ayubi 7:21

Tembio nahi I'ampunio halaku, ka nahi pahihiakune salaku? Hangano, kanandio-andio tepombole aku a laro pampawu, ka I'amba umungke aku, sine nahi kukongko mbo'u.”

Ayubi 7:8

Mia anu kumita aku nahi ta kumita aku mbo'u, tempono I'ungke aku, nahi kukongko mbo'u.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yeremia 14:20

Oo Ue, omami mpokonto'orio gaumami anu mosa'o ka salado uempu'umami; mentee ntu'u, mentehala kamimo ndi Omiu.

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 31:15

Kanandiomo pau-Do i Ue: Rongeo! I Rama teronge ponsabangi, pengese anu tedoa mompokomasusa aroa: I Raheli mengesei ira anano, onae nahi behe tinarero mongkona luwuno anano, hangano nami domekongko.

Yeremia 31:29

I tempo atuu mia nahi ta motae mbo'u, ’Luwuno ama mpongkaa wua anu mo'olo, ka ngisido nana'ote gagi mongilu,’

Yehesikieli 16:58

Mokoburumu ka luwuno wineweumu anu mokoburu asalakono omue tumembio, kanandiomo pau-Do i Ue.

Yehesikieli 18:2

”Hinao hapa saru omue, ranta ka imempauo popotundaa pau andio i wita Isaraeli: Luwuno ama mpongkaa wua momata ka ngisido anado gagi mongilu?

Sakaria 1:5

Isua irake uempu'umiu? Ka luwuno nabi, nde mentuwu ira hawe nahina tampulaano?

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.