Ponsabangi 2:9 - Wunta Mempori

⁹ Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Ponsabangi 2:9 ပူးပေါင်းရင်းမြစ်များ

2 Mokole 25:7

Luwuno anano i Sedekia sinumbele i arono matano onaeno, ka i'amba matano i Sedekia pinokomorawu. Onae pinonguako rante mala ka winawa i Babeli.

2 Tawarika 15:3

To Isaraeli tehineomo ntu'u nahina Ue Alado anu mentee, nahina sando mpesomba anu mompaguru, ka nahina songka.

Nehemia 1:3

Mpotae ira ndi ongkue, ”Luwuno mia anu tebinta i ra'ai, anu nahi domentinawa, mekongko ira a laro masukaraa langkai ka mepinokongkodei. Benteno Yerusale rinongkaomo ka luwuno pewowa langkai sinongkoomo.”

Po'unde-unde 74:9

Luwuno petondoni ndi omami nahi kimengkitao, nami hina mbo'u nabi, ka nahina i olomami anu tumo'orio hawe te'opia tempono.

Yesaya 24:12

Anu da tebinta a laro ngkota butu howuno anu terawo, pewowa langkai rinawo-rawoomo.

Yeremia 14:14

Sumangki Ira i Ue ndi ongkue, ”Nabi atuudo mpompau anu nahi mentee ta gagi a nee-Ku! Nahi Kutena ira, nahi Kuparenta ira, ka nahi Kupepau ndi ondae. Ondae mpompau anu ta gagi ndi omiu pongkita nahi mentee, mpompau mooa ka pompopo'oono aroano onaeno.

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yeremia 39:2

A nta'u kohopulu ka asa poparentaano i Sedekia, a wula ko'opaa, tanggala osio wula atuu, rere watuno kota atuu rinongka.

Yeremia 39:8

To Kasidimi rumopuo langkanaeno mokole ka rahado palili, ka do'amba mehoao luwuno rere watuno Yerusale.

Yeremia 51:30

Luwuno sorodaduno Babeli mpenaa-naa iramo mpetea, ondae mpo'ia mpiha a luwuno bente pekorahakoa. Mosiado tampulaomo, ondae megagi kana beine. Luwuno po'iangado sinongkoomo, luwuno lansono pewowado tepuduomo!

Yeremia 52:14

Luwuno rere watu lumimbuo kota Yerusale dompobangkuo luwuno sorodadudo to Kasidimi anu mentondao petewawa sorodadu podagai mokole atuu.

Ponsabangi 1:3

Yehuda domebintaomo palilino hangano marasai ka hangano pompe'ata anu mobea; onae mo'ia i tonga-tongano luwuno tongku, sine nahi pohawe rodoa; isemamo koa anu monsapoi mokompewinsokio tempono itepakada.

Ponsabangi 4:15

”Peliahako! Mokoburu!” mia mpotae ndi ondae, ”Peliahako! Peliahako! Si tengkuo!”; ka do'amba mpolai ka mpelakopi, onaemo ka dompotae tongku: ”Sii dompo'ia tehine mbo'u i ndi'ai.”

Ponsabangi 4:20

Mia anu inurapi-Do i Ue, penaano tumuwumami, kona rako a laro mpobolodo, onae anu potaemami, ”A laro mpe'engoiano kami mentuwu i olodo tongku.”

Yehesikieli 12:13

Aku tuma'oo buani-Ku gagi rakoano ka i larono dampa-Ku onae ta te'uko. Aku wawao i Babeli, witado to Kasidimi, sine wita atuu nahi ta kumitao. I ra'aimo onae ta mate.

Yehesikieli 17:20

Aku tuma'oo buani-Ku rumakoo ka a laro dampa-Ku onae ta tepongko'ala. Aku wawao i Babeli ka i ra'ai Aku mekara-kara saru onae, hangano onae nahi petenunu ndi Ongkue.

Yehesikieli 7:26

Masolaa metuda-tuda ta hawe, lele metuda-tuda ta telele. Ondae mpo'ungke-ungke pongkita inso a nabi; pompaguru moliu inso a nsando mpesomba, ka patudu inso a mia memota'u.

Hosea 11:6

Ponai ta me'a'e a luwuno kotado, rumopuo luwuno lansono pewowado ka ta kumaa ira, hangano luwuno tinoodo.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Amosi 1:5

Aku puduo lanso pewowano Damasi ka mokotampulao palili inso i Bikeati-Aweni saru anu uminio tuko poparentaa inso i Beti-Edeni. Palilino Arami asalakono melako gagi mia mentinadi i Kiro,” pau-Do i Ue.

Winali 28:36

Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

Winali 28:63

Kana mawongko-Do i Ue ndi omiu, Ira moweweu moiko ndi omue ka weweukomiu mehadio, kanatuumo mawongko-Do i Ue ndi omiu Ira sumolangi komiu ka rumopukumiu. Komiu mebinuta inso a wita, ba isua komiu melako mpetorokio.

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.