Ponsabangi 2:8 - Wunta Mempori

⁸ Doputusiomo i Ue Ira rumawoo rere watuno ana beine Sioni. Luwuno Dosongkaakono koloro posongka, ka nahi Dodiio kae-Do ka Dorawo-rawoo. Doweweuo bente ka rere watu po'inombo, luwudo mpe'isei.

Ponsabangi 2:8 ပူးပေါင်းရင်းမြစ်များ

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Mokole 21:13

Aku padindio koloro posongka i Yerusale kana i Samaria ka koloro pompokoleo kana a nsomborino i Ahabi. Aku pahihio Yerusale kana molodui sempe, lumoduio ka i'amba waliteo.

Ayubi 13:21

Po'ineeomo ka Ipoko'olaio kae-Miu inso ndi ongkue ka pondendea ndi Omiu siimo i'alu aku!

Yesaya 22:5

Hangano oleo tewukaa, petuundua ka marisua Dopotiio i Ue, Ueno luwuakoano, i ”Lembono Pongkitaa” teronge tehoano rere watu ka pebooli mepetulungi hawe a ntorukuno!

Yesaya 28:17

Aku weweuo moleoa gagi koloro posongka, ka menteea gagi koloro pompokomoleo; usa watu ta rumoahio morina pepekaduduia anu nahi mentee, ka uwoi ta molomoo pewuniamu.”

Yesaya 3:26

Luwuno pewowa langkaino Sioni ira mperaali ka mpo'inombo, kotano kana beine anu bininta asa-asano tepontoro a wita.

Yesaya 34:11

Manu-manu undani ka landa anu ira mpo'iangario, manu-manu koa ka manu-manu paa-paa anu ira mpo'ia i larono. Ondae i Ue Ira mompadindiakono koloro posongka powawa marisua ka watu pompokomobea ka imooa.

Yesaya 5:5

Gagi kanandio-andio, aku pauakomiu hapa anu aku weweuo a lere anggoro-Ku atuu: Aku tumuehio wala ruino, ranta lere atuu ipingko kinaa, aku mobangkuo rere watuno, ranta ka ilinolanda lere atuu;

Yeremia 14:2

Yehuda mompemasusa, luwuno pewowa langkai memarasai ka saru mpompemasusa tewilei a wita; peraalino Yerusale mewuatako i wawono.

Yeremia 5:10

Pewuatakomo a lere anggorono anu mpo'ensa-ensa, solangiomo, sine si pokopingkoo luwu. Tadi iramo sampano keu anggorono, hangano luwuno atuu komba keu anggoro-Do i Ue!

Yeremia 52:13

Onae sumongkoo Raha-Do i Ue, rahano mokole ka luwuno raha i Yerusale; luwuno rahado anu langkai potorono isongkoo.

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 2:18

Aroado mpebooli ndi Ondae i Ue. Hei, rere watuno ana beine Sioni, po'itiomo uwoi mata kana korono meene ka wongi; si po'ineeo koroimu menaa-naa, siimo irodo matamu!

Ponsabangi 2:2

Nahina pompehohawa-Do i Ue rumopuo luwuno po'iangano i Yako. A laro tekuda-Do Dorawo-rawo ira benteno Yehuda. Doweweuo poparentaa ka luwuno petewawano tepasiako a wita ka tesosa'ai.

Ponsabangi 2:5

Ondae i Ue gagi kana iwali; Isaraeli Dokaano, rumopuo luwuno po'iangano, rumawo-rawoo luwuno benteno, mokohadioo masusa ka mekohe a ana beine Yehuda.

Yehesikieli 20:22

Sine, Kuwali mokuleo kae-Ku ka moweweu a nee-Ku, ka si kinokoburuti nee-Ku i arodo luwuno tongku anu mengkitao Kuwawa ira mpeluarako.