Ponsabangi 2:2 - Wunta Mempori

² Nahina pompehohawa-Do i Ue rumopuo luwuno po'iangano i Yako. A laro tekuda-Do Dorawo-rawo ira benteno Yehuda. Doweweuo poparentaa ka luwuno petewawano tepasiako a wita ka tesosa'ai.

Ponsabangi 2:2 ပူးပေါင်းရင်းမြစ်များ

Ayubi 2:3

Pau-Do i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o. Onae metenunu mpiha a laro pompe'ala-alano, maupo u'olua-Kune umewaio ka imasola nahina pu'uno.”

Po'unde-unde 21:9

Kae-Miu ta rumakoo luwuno iwali-Miu; kae ngkoana-Miu ta rumako ira mia anu umo'aliaa-Komiu.

Po'unde-unde 74:7

Domesongkoo po'ianga mempori-Miu, domengkokoburutio po'ianga-Miu hawe merete saru wita.

Yesaya 22:5

Hangano oleo tewukaa, petuundua ka marisua Dopotiio i Ue, Ueno luwuakoano, i ”Lembono Pongkitaa” teronge tehoano rere watu ka pebooli mepetulungi hawe a ntorukuno!

Yesaya 23:9

Ondaemo Ueno luwuakoano anu putusiakono ka mokongkuramao pompelangka-langkaido luwuno anu maramba, ka mokongkodeio luwuno mia pinelangkai i tolino.

Yesaya 25:12

Luwuno bente rere watumu anu mantande Ira mobangkuo, Doweweuo merete saru wita, hawe ka ipowoo pampawu.

Yesaya 26:5

Hangano Dopokompetuundu iramo anu mpo'ia a mantandeano; kota anu kontasi-tasi Dopotiiomo, Dopotiio hawe a wita ka Doweweuo merete hawe ka ipowoo pampawu.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 43:28

Onaemo pu'uno, Aku weweu ira mokoburu petewawa mempori, ka meweengakono i Yako ka irinopu saru Isaraeli ka itinata.”

Yesaya 47:6

Ongkue hieno tekudaako ira bawaa-Ku, ka mengkokoburutio tia pusaka-Ku, ka meweengako ira a ngkaemu; Omue nahina pompehohawamu ndi ondae, tendeano tedoa upokomobeo tinembi a mia anu mota'u.

Yeremia 13:14

Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”

Yeremia 19:15

”Kanandiomo pau-Do Ueno luwuakoano, Ue Alado to Isaraeli: Menteeano, Aku motiio a ngkota andio ka luwuno kota kodeino, luwuno masolaa anu Kupauomo ta umalu ira. Hangano, ondae memotea ulu ka nahi domperorongeakono luwuno pau-Ku.”

Yeremia 21:7

Umarino atuu, i Sedekia, mokoledo to Yehuda, ka luwuno pegawaino saru palilino kota andio, anu tola inso a haki lele, ponai ka mokoninggoa, Aku meweengako ira a ngkaeno i Nebukanesa, mokole i Babeli, kanandiomo pau-Do i Ue, a ngkaeno iwalido anu momporaakono penaado. Mia ta mepateako ira mata mponai nahina pompehohawa, nahina mokoko'undu ka nahina ampu.

Yeremia 5:10

Pewuatakomo a lere anggorono anu mpo'ensa-ensa, solangiomo, sine si pokopingkoo luwu. Tadi iramo sampano keu anggorono, hangano luwuno atuu komba keu anggoro-Do i Ue!

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 2:21

A sompo sala tepombole a wawo wita mia mongura ka mia mota'u; luwuno ana beineku ka mangalitauku memateako ponai; Ipepate ira tempono Itekuda, nahina pompehohawa Isumbele ira!

Ponsabangi 2:5

Ondae i Ue gagi kana iwali; Isaraeli Dokaano, rumopuo luwuno po'iangano, rumawo-rawoo luwuno benteno, mokohadioo masusa ka mekohe a ana beine Yehuda.

Ponsabangi 3:43

Omiu mesoumbuako tekuda, lumulu kami ka mepate kami nahina pompehohawa.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 7:4

Nahi Aku mehohawako ka nahi ta hina pompehohawa. Sine, Aku mombalo ndi omue menunu saru pelelumu ka luwuno wineweumu anu mokoburu ta umaluko. Ka komiu mento'orio nine Ongkuemo Ue.

Yehesikieli 7:9

Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Mika 5:14

Aku mombalo pontoo a laro ntekuda ka saru mokulano tekudaku, a luwuno tongku anu nahi behe momperorongeako.

Maleaki 1:4

Tewala motae Edomi, ”Mempinerawo-rawo kamimo, sine kami koa wali mewanguo hangano kota atuu,” ka kanandiomo pau-Do Ueno luwuakoano, ”Moiko koa dompowangu, sine Aku koa mobangkuo. Mia ira meneeakono Wita Po'ewaia parenta-Do i Ue, ka tongku anu tinekudaako-Do i Ue ranta nahina tampulaano.”

I MATIU 18:33

Kombake omue mbo'u asalakono mehohawao walimu kana kupehohawako?

2 KORINTI 10:4

hangano parewa mpeteamami a laro mpeteahako komba parewa mpetea ntolino, tendeano parewa mpetea anu pinokorosoako pabawa-Do Ue Ala, anu polio humoao luwuno bente.

Winali 28:52

Komiu mengkinadu a luwuno kotamiu, ranta kai tehoa luwuno rerewatumiu anu mantande ka mebente, anu pinerorohimiu i luwuno witamiu. Tendeano komiu mengkinadu i larono luwuno kotamiu, a luwuno wita anu Doweeakomiu i Ue, Ue Alamiu.

Winali 32:22

Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.