Ponsabangi 2:1 - Wunta Mempori

¹ Ha, kana'umpe Ondae i Ue tumutuwiakono seru ana beine Sioni a laro ntekuda-Do! Marambano Isaraeli Dopetadiakono inso i langi tii i tolino. Nahi Dorambeo pelandaa-Do a oleo tekuda-Do.

Ponsabangi 2:1 ပူးပေါင်းရင်းမြစ်များ

2 Samueli 1:19

Marambamiu, oo to Isaraeli, tebangku pinepate a pongku-pongkumu! Memate iramo luwuno tadulako.

1 Tawarika 28:2

Ka i'amba mentadeomo mokole Daudi ka dopotae, ”Imerongeomo oo luwuno pepaekompoku ka tongkuku! Tinooku mowangu raha penaa-naaano Burua Pedandia-Do i Ue ka pelandaano karu-Do Ue Alato. Kupatindaomo wanguno.

Po'unde-unde 132:7

”Aiwa ka tomelako a mpo'ianga-Do, mpenggolontu mpesomba a empehino karu-Do.”

Po'unde-unde 89:45

Itompaakonomo pabawano anu maramba, ka kadera poparentaano Ipepasiakono a wita.

Po'unde-unde 99:5

Pelangkai Iramo i Ue, Ue Alato, penggolontuumo pesomba a mpelandaano karu-Do! Ondaemo anu mempori!

Yesaya 64:11

Rahamami anu mempori ka maramba, po'iangado uempu'umami umunde-unde-Komiu, gagiomo pompaani api, ka luwuno pine'uemami anu lalu tekosi gagiomo terawo-rawo.

Yeremia 30:14

Luwuno kinekewoimu mengkolupeko, nahi dompesikenoakomu mbo'u. Mentee ntu'u, Kutunduhiakomumo pontunduhi iwali, saru pohuku anu nahina pompehohawa, hangano salamu hadio, halamu anu langkai.

Ponsabangi 1:1

Ha, tedoa tensia kota atuu, anu i ndi'ipua maroa! Kanamo asa tuwu beine onae, anu i ndi'ipua maramba i olodo luwuno tongku. Anu i ndi'ipua mokole beine i olodo luwuno kota, kanandio-andio gagi pine'ata.

Ponsabangi 1:12

Nahinake pomperiomiu luwuno anu ntelalo? Imengkitaomo, hinaoke pompemasusa kana pompemasusa anu Doweeakune i Ue, weweu aku marasai tempono tekuda-Do tensila!

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 4:1

Ha, momite ntu'u wulaa atuu, wulaa mpena atuu baali; watu mempori atuudo tetadiako a nsiuno sompo sala.

Ponsabangi 4:11

Ondae i Ue motolao luwuno tekuda-Do, umuwuo tekuda-Do anu tensila, ka mokomelangao api i Sioni, anu kumaano luwu empehino.

Yehesikieli 13:13

Onaemo pu'uno, kanandiomo pau-Do Ue Ala: A laro tekudano aroa-Ku Aku weweuo angi mokora mepuuri, a laro ntekuda-Ku usa marombo ta metii, ka a laro tekudano aroa-Ku watu seru baku anu mompepate ta tedonta.

Yehesikieli 19:12

Sine, a laro ntekuda onae tebuta ka pinetadiako i tolino; angi sabaano oleo mokomoleuo mokari, wuano sinintaki sampano anu moroso gagi moleu mokari ka ikaano api.

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Yehesikieli 30:18

I Tahapanesi oleo ta gagi wongi-wongi i tempono Kupuduo pasangano Masiri i ra'ai, ka pompelangka-langkaino hangano rosono tampula. Kota atuu ta tumutuwio seru ka luwuno anano beine ira mewinawa gagi mia tinawa.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

I MATIU 11:23

Ka omue Kapenau, nde kowinuatakoke hawe i langi? Naahi, omue kopinotii hawe a mpo'iangado mia mate! Hangano tewala i Sodomo gagi luwuno anu kinohali-haliako anu gagiomo i tonga-tongamiu, kota atuu manasa da mentade hawe oleo andio.

I LUKASI 10:15

Ka omue Kapenau, nde kotinandeke hawe i langi? Naahi, Omue kopinotii hawe a mpo'iangado mia mate!

I LUKASI 10:18

Ka do'amba motaeako ira i Yesu, ”Kukitao i Mosa'o tedonta kana koliki inso i langi.

1 Samueli 4:21

Ineeakono anano atuu i Ikabo, ipotae, ”Tetadiomo marambaa inso i Isaraeli,” hangano Burua Pedandia-Do Ue Ala rinontuomo ka hangano ponino ka tamano mate iramo.

1 Samueli 4:22

Ipotae, ”Tetadiomo marambaa inso i Isaraeli, hangano Burua Pedandia-Do Ue Ala rinontuomo.”