Ponsabangi 1:9 - Wunta Mempori

⁹ Mokoburuno metako a tompa sawuno; nahi ipewowoloo poko'ariano, tedoa ondalo itedonta, nahina mia tumareroo. ”Oo, Ue, kitaomo tebobarasaiku, hangano iwaliku mompelangka-langkai!”

Ponsabangi 1:9 ပူးပေါင်းရင်းမြစ်များ

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 14:26

Dokitaomo i Ue tedoa mopa'ino tebobarasaido to isaraeli, pingkoomo luwu moiko anu tetanggo ke anu tola ka nahina anu tumulungi ira to Isaraeli.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Po'unde-unde 119:153

Ikitaomo marasaiku ka Ipotola akumo, hangano Songka-Miu nahi kukolupeo.

Po'unde-unde 140:8

Oo Ue Ala, Ueku, roso anu kumadudui aku, Omiu borungio uluku a oleo peteaa.

Po'unde-unde 25:18

Iperioomo marasaia ka masukaraaku, ka Itandeomo luwu halaku.

Po'unde-unde 69:21

Rosoku ipuduomo pontataa atuu, tedoa aku molema; monsikori aku mia anu metonda mompemasusa, sine nahina, sumikori ira anu mpontarero, sine nahi kupohawe.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Peluarakoa 4:31

Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Puu Pontutulu 4:1

Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

Yesaya 3:8

Mentee ntu'u, Yerusale tetiduomo ntu'u ka Yehuda tekale-kaleomo; hangano pau ka wineweudo ndi Ondae i Ue, umewaio maramba-Do.

Yesaya 37:17

Ipo'aroomo biri-Miu, oo Ue, ka Irongeomo. Iwileomo mata-Miu, oo Ue, ka Ikitaomo. Irongeomo luwuno pinauno i Saniheri anu i'oliwiomo mokongkodei-Komiu Ue Ala anu tuwu.

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 37:29

Hangano momemukomo ndi Ongkue, ka pompelangka-langkaimu mewuatakoomo hawe a biri-Ku, Aku mokonao kai-Ku a engemu ka sama-Ku a ngangamu. Aku mokuleko telalo a nsala inso isua u'aiwa.

Yesaya 37:4

Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!”

Yesaya 40:2

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i Ue meluka mpendua hangano halano.

Yesaya 47:7

Horiko mepau, ”Ranta nahina tampulaano aku gagi mpiha mokole beine!” sine nahi upekokoongakono ka nahi upewowoloo pokotampulaano luwuno atuu.

Yesaya 51:19

Orua urasa'o andio i'alukomo, – isemake anu ta mompemasusa saru omue? – matea maupo tekale-kalea, mokoninggoa maupo ponai. Isemake anu ta tumareroko?

Yesaya 54:11

Hei anu tepokonsii, anu rinumpaino angi mokora, anu nahi tinarero! Menteeano, Aku monaa empehimu inso a watu mo'ito ka pundasimu inso a watu lasuaradi.

Yeremia 13:27

Ponsosabomu ka pekiilimu, mokoburuno pebelesumu i wawono pongku ka pada, luwuno wineweumu anu mokoburu atuu Kukitaomo. Masola komo ntu'u, hei Yerusale, hawe opiapo mbo'uke tempono ka u'amba gagi morina?

Yeremia 16:7

Nahina mia anu monsiba-sibaakono roti mia anu mo'inombo ka tumareroo hangano matea atuu. Tendeano nahina mia anu ta moweeakono mo'inu inso a mpiala pontareroa hangano mateano ama ke ineno.

Yeremia 2:34

A lembamu hinawe mbo'u reado mia mongkokolaro anu nahina salado; Uhawe ira komba a tempo tekonai mponako! Maupo luwuno atuu anu gagi,

Yeremia 48:26

Weweuomo ka imolangu, hangano onae mompelangka-langkai ndi Ondae i Ue! Moabi ta melundi-lundi a laro kolua-luano, ka onae mbo'u gagi pengingisiado mia.

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Ponsabangi 1:17

Sioni tumineo kaeno, sine nahina tumareroo; mongkona i Yako, Ondae i Ue tumena ira mia petengi-tengino gagi ewaino. Yerusale gagi mokoburu i olodo.

Ponsabangi 1:21

Ondae merongeo tedoa pompemasusaku, sine nahina tumarero aku; domerongeo iwaliku mongkona masolaaku, ka ondae mpo'unde hangano ndi Omiu insoano! Po'ineeomo ka ihawe oleo anu Ipakosiomo atuu, ka po'ineeomo ka domegagi kana ongkue!

Ponsabangi 2:13

Hapa anu aku mokomengkaao ndi omue, saru hapa anu aku mokomengkenaakomu, hei ana beine Yerusale? Saru hapa aku mokompongkenaakomu ka utinarero, oo ana beine, ana beine Sioni? Hangano malua kana tahi terawo-rawomu; isema ta momuleko?

Ponsabangi 4:1

Ha, momite ntu'u wulaa atuu, wulaa mpena atuu baali; watu mempori atuudo tetadiako a nsiuno sompo sala.

Ponsabangi 5:1

Irambeomo, oo Ue, hapa anu gagi ndi omami, Ipensiroiomo ka Ikitaomo mongkokolaroamami.

Hosea 2:14

Inso i ra'ai Aku weakono lere anggorono, ka Kuweweuo lembono Akoro gagi pewowa pomperorohia. I ra'aimo onae ta meweengakono koroino kana tempono imongura, kana tempono ipelungka meluarako inso i wita Masiri.

Sepanya 2:10

Ndiomo anu ira mehaweo gagi euno pompelangka-langkaido, hangano mpontetewehi iramo ka me'unde-undeo koroido a bawaa-Do Ueno luwuakoano.

I YOHANE 11:19

I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo.

Winali 26:7

mpebooli kami ndi Ondae i Ue, Ue Alado uempu'u mami. Dororongeo i Ue pebooli mami ka Dokitao tebobarasai ka masukaraa mami ka pobobarasaido ndi omami.

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”

Winali 32:29

Tewala mempande ira pompewowolo, manasa ira mento'orio anu kanandio, ka mperioo tampulaado.

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”