Ponsabangi 1:8 - Wunta Mempori

⁸ Yerusale tedoa tehala, onaemo ka imokoburu; i ndi'ipua luwuno anu mpelangkaio, kanandio-andio mentetewehio, hangano domengkitao kolambe-lambeno; ka onae isa'a mompau pinemasusano, ka iwolilio rupano.

Ponsabangi 1:8 ပူးပေါင်းရင်းမြစ်များ

Tegagia 3:7

Ka i'amba te'ungkahiomo matado orua ira ka doto'orio nine kolambe-lambe ira. Doposombu ira lewe ngkeu ara ka doweweuo kembido.

1 Mokole 9:6

Sine tewala omue saru luwuno anamu mpebungkui Aku, nahi mpe'ini a luwuno parenta ka pompakosi-Ku anu Kuweeakomiumo i aromiu, ka melako mpesomba a mpinesombai susua ka mpenggoluntu mpelangkaio,

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

1 Mokole 9:9

Ira mpotae mia: Hangano ondae mebinta Ira Ue, Ue Alado, anu wawa ira uempu'udo mpeluarako inso i wita Masiri ka mpe'ini a mpinesombai susua ka mpenggolontu mpelangkaio saru mpesomba ndi onae. Onaemo pu'uno Ondae i Ue mompotii luwuno masukaraa andio ndi ondae.”

Yesaya 47:3

Po'ineeomo ka isaba anumu ka mokoko'iiamu tengkita! Aku moweweu pombaloa ka nahina pinehohawa maupo te'asa mia.

Yeremia 13:22

Tewala omue mesikeno i laro aroamu, ”Tembio luwuno andio ka i'alu aku?” Hangano hadiono halamu onaemo ka isinungke untu hawumu kau dinadai!

Yeremia 13:26

Ongkue isa'a Aku tumandeo tompa hawumu hawe a rupamu, ranta ka itengkita anumu.

Yeremia 15:4

Aku mokogagi ira mongkokongiria a luwuno poparentaa i tolino, hangano i Manase anano i Hisikia, mokole i Yehuda, hangano luwuno anu wineweuno i Yerusale.”

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yeremia 34:17

Onaemo pu'uno kanandiomo pau-Do i Ue: Omiu nahi meronge Aku nine sompo mia asalakono mopoto'orio pompotolaa a mpe'asa miano ka a mpepaekompono. Onaemo pu'uno, Ongkue mopoto'oriakomiu pompotolaa, kanandiomo pau-Do i Ue, ka ipineweengako a mponai, haki lele ka mokoninggoa. Aku weweu komiu gagi mongkokongiriado luwuno poparentaa i tolino.

Yeremia 4:31

Mentee ntu'u, kurongeo suara kana pompemahakino beine me'ana, pe'o'osuno kana suarano ine anu me'anaakono ana amba-ambano, suarano ana beine i Sioni anu ngaasa, anu padindio kaeno, ”Masola akumo, hangano telusa aku i arodo anu pompepate!”

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Ponsabangi 1:11

Mpopau ira pinemasusado luwuno palilino, tekonai ira mpo'ungke roti; arataa dompeweengakono euno kaanga, ka itesombu tuwudo. ”Ikitaomo, oo Ue, Ipensiroiomo, ongkue andio tedoa mokoburu!

Ponsabangi 1:17

Sioni tumineo kaeno, sine nahina tumareroo; mongkona i Yako, Ondae i Ue tumena ira mia petengi-tengino gagi ewaino. Yerusale gagi mokoburu i olodo.

Ponsabangi 2:10

Mpentoro mpenoro-noro a wita luwuno mia pinemota'uno ana beine Sioni; domporawoakono awu a wawo uludo, ka pompokona sawu po'inombo. Luwuno ana beineno Yerusale mpetuundu a wita.

Ponsabangi 4:21

Po'undemo ka mawongkomo, hei ana beine Edomi, omue anu mo'iangario wita Usi, ndi omue mbo'u ta hawe piala, omue kogagi molangu ka u'amba mokoko'iio koroimu!

Yehesikieli 23:29

Ira meweweuakomu po'o'aliaako, merontuo luwuno hasilino pine'iseiakomu, ka mebintako kolambe-lambe, ranta pinekaria winuni pebelesumu tengkita. Mokoburumu ka pebelesumu

Yehesikieli 23:46

Hangano kanandiomo pau-Do Ue Ala, ”Po'ineeomo ipentade asa tepumpuano mia umewai ira ka po'ineeomo domempineweengako a mongkokongiria ka pomurua.

Yehesikieli 39:23

Luwuno tongku mbo'u ira mento'orio nine hangano salado suku Isaraeli asalakono melako a laro mpontadia, ka hangano mpelelu nahi dompetenunu ndi Ongkue, Kuwunio rupa-Ku ndi ondae. Kupeweengako ira a ngkaedo iwalido ka luwudo memateako ponai.

Hosea 2:10

Aku mokompenaa-naao luwuno pinemawongkono, oleo langkaino, wula wo'ohuno ka oleo Sabano ka luwuno porame-rameno.

Hosea 2:3

Luwuno anano nahi Aku mehohawa ira, hangano ondae onaemo nana'ote belesu.

MENGKAAA 3:18

onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.