Ponsabangi 1:3 - Wunta Mempori

³ Yehuda domebintaomo palilino hangano marasai ka hangano pompe'ata anu mobea; onae mo'ia i tonga-tongano luwuno tongku, sine nahi pohawe rodoa; isemamo koa anu monsapoi mokompewinsokio tempono itepakada.

Ponsabangi 1:3 ပူးပေါင်းရင်းမြစ်များ

2 Mokole 25:11

Luwuno toreano palili anu da tebinta i kota atuu, luwuno anu pansia mpe'asambaliako mpe'alaako ndi mokole i Babeli, ka mia hadio anu susuano iwawa ira i Nebusaradani, petewawado sorodadu puu mpodagai atuu a pontadia.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Mokole 25:4

Rere watuno kota atuu binolo ka luwuno sorodadu mpolai i tempono wongi telalo a mpewowa langkai i olono orua rere watu anu umpeda lere bungano mokole, kontongaado to Kasidimi mengkaduo limbu kota atuu. Melako ira te'aro i Araba-Yarade.

2 Mokole 25:5

Sine sorodadudo to Kasidimi lumuluo mokole ka domehaweo i lembono Yeriko. Luwuno sorodaduno ntesiarawo mebintao.

Yeremia 13:19

Luwuno kota i wita Nege tinondoomo, ka nahina maupo te'asa mia umungkahio. Luwuno to Yehuda mewinawa a pontadia, luwuno mewinawa a pontadia.

Yeremia 16:16

Menteeano, Aku montena hadio puu mporako bou, kanandiomo pau-Do i Ue, anu ta rumako ira, umarino atuu Aku montena puu mpowemba anu ta wemba ira inso a wawo luwuno torukuno ka luwuno pongku ka inso a olo-olono pongku watu.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 39:9

Ka i'amba i Nebusaradani, petewawa sorodadu podagai mokole, wawa ira palili anu da mentuwu a pontadia i Babeli anu da mpo'ia i kota atuu ka luwuno mia anu mpe'alaako ndi ondae saru palili susuano anu da mentuwu.

Yeremia 52:15

Asa ntia inso a mpalili mongkokolaro ka luwuno palili anu da mentuwu da mpo'ia i kota atuu, saru luwuno mia anu mpe'asambaliako ndi mokole i Babeli ka luwuno puu mpo'angga anu tebinta iwawa ira i Nebusaradani, petewawa sorodadu podagai mokole atuu a pontadia.

Yeremia 52:8

Sine, sorodadudo to Kasidimi melampuio mokole ka mehaweo i Sedekia i lembono Yeriko. Luwuno sorodaduno ntesiarawo mebintao.

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Ponsabangi 4:15

”Peliahako! Mokoburu!” mia mpotae ndi ondae, ”Peliahako! Peliahako! Si tengkuo!”; ka do'amba mpolai ka mpelakopi, onaemo ka dompotae tongku: ”Sii dompo'ia tehine mbo'u i ndi'ai.”

Ponsabangi 5:5

Omami melinulu tepo'umpeda, memokendo kami, omami nahina penaa-naa.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.