Ponsabangi 1:2 - Wunta Mempori

² Ia wongi onae sensedu mengese, uwoi matano tewaa a kombisi; inso a luwuno pinehohawano, nahina maupo te'asa mia anu tumareroo. Luwuno walino nahi dompetenunu, ondae megagi iwalino.

Ponsabangi 1:2 ပူးပေါင်းရင်းမြစ်များ

Ayubi 6:15

Luwuno pepaekompoku nahi domempine'ala-ala kana korono mo'are, kana empehino korono mo'are anu waa moliu;

Ayubi 7:3

kanandiomo kuwineeako luwuno wula anu nahina tuduno, ka kutinantuiako luwuno wongi masusaa.

Po'unde-unde 126:5

Mia anu morawo inii saru mowera uwoi mata, ta sumowi saru kokora-kora mawongko.

Po'unde-unde 31:11

Tuwuku piningko a laro masusaa ka luwuno ta'u ntumuwuku a laro pompemasusa; rosoku metii hangano marasaiku, ka luwuno wukuku gagi motopu.

Po'unde-unde 6:6

Hangano a mpo'iangado mia mate nahi domerambe Komiu mia; isemake anu ta umunde-unde-Komiu a ntolinodo mia mate?

Po'unde-unde 69:21

Rosoku ipuduomo pontataa atuu, tedoa aku molema; monsikori aku mia anu metonda mompemasusa, sine nahina, sumikori ira anu mpontarero, sine nahi kupohawe.

Powadi 19:7

Mia mongkokolaro dome'o'aliaakono luwuno pepaekompono, tamoako mbo'u luwuno sambe'eno me'olaiakono. Ilulu ira, moboi ira sine nahi domekongko mbo'u.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yeremia 2:25

Petangkoro, ka si mansa upu sandalamu ka burokomu motu'i! Sine, upotae: Penaa-naamo, nahina tuduno! Hangano kukekewoi ira pinesombai susua, ka ineheku tumonda ira.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 30:14

Luwuno kinekewoimu mengkolupeko, nahi dompesikenoakomu mbo'u. Mentee ntu'u, Kutunduhiakomumo pontunduhi iwali, saru pohuku anu nahina pompehohawa, hangano salamu hadio, halamu anu langkai.

Yeremia 4:30

Omue, anu pinokotampula, hapake anu ta wineweumu, tembio ka upompokona sangka motaha ntu'u, rumamba-rambaakono peramba-ramba wulaa koroimu, hahiakono matamu pohahi mata? Nahina tuduno upokontekosio koroimu, luwuno kinekewoimu nahi domebehe ndi omue, tendeano dopontooakono penaamu.

Yeremia 9:1

Ande-andeno uluku insoano uwoi, ka mataku sirikino uwoi mata, meene wongi aku mengesei ira mia anu mempinepate inso i olodo ana beineno tongkuku!

Ponsabangi 1:19

Kupoboi ira pinehohawaku, sine domempopandei aku. Luwuno sando mpesombaku ka mia pinemota'uku memate iramo a ngkota, tempono dompo'ungke kaangado ka itesombu tuwudo.

Ponsabangi 1:21

Ondae merongeo tedoa pompemasusaku, sine nahina tumarero aku; domerongeo iwaliku mongkona masolaaku, ka ondae mpo'unde hangano ndi Omiu insoano! Po'ineeomo ka ihawe oleo anu Ipakosiomo atuu, ka po'ineeomo ka domegagi kana ongkue!

Ponsabangi 1:9

Mokoburuno metako a tompa sawuno; nahi ipewowoloo poko'ariano, tedoa ondalo itedonta, nahina mia tumareroo. ”Oo, Ue, kitaomo tebobarasaiku, hangano iwaliku mompelangka-langkai!”

Ponsabangi 2:11

Mataku mowewu hangano uwoi mata, aroaku nahi rodo; pingko terawo-rawo aroaku; hangano terawo-rawodo ana beineno tongkuku, hangano nana'ote ka ana da kodei memolema a luwuno tanalapano kota.

Yehesikieli 16:37

mentee ntu'u, onaemo pu'uno Aku pumpu ira luwu pinehohawamu, ondae anu mempopandeio aroamu, moiko anu kinekewoimu maupo anu ino'aliaakomu. Aku pumpu ira inso a mpehori-horimu ka dome'ewaiko ka mesungkeo pinekaria winunimu i arodo, ranta ka domengkitao luwu kolambe-lambemu.

Hosea 2:7

Sine nahi to'orio nine Ongkuemo anu moweeakono gandu, anggoro, ka lana, ka anu mokohadioakono salaka ka wulaa anu domeweweuo tinaha Baala.

Mika 7:5

Si mpe'ala-alao walimu, si pomperorohi a nsambe'e! Dagaiomo wiwimu, tamoako a beine anu mepombole a mpa'amu!

MENGKAAA 17:13

Aasa luwu aroado mpeweengakono roso ka pabawado a ngkondehora atuu.

MENGKAAA 17:16

Ka hopulu tandu anu ukitaomo atuu saru kondehora atuu ira me'o'aliaakono beine belesu atuu ka ira meweweuo gagi boni-boni ka kolambe-lambe, ka ira mengkaano bauno ka ira mentunuo a api.