Podoaa 8:8 - Wunta Mempori

⁸ Umarino atuu asalakono dome'alao asa sapi lakino mongura saru pesomba kaangano inso a ntarigu moiko ntu'u, sinaloako lana. Omue mbo'u asalakono mo'ala asa sapi lakino mongura anu susua weweua pesomba po'onini hala.

Podoaa 8:8 ပူးပေါင်းရင်းမြစ်များ

Peluarakoa 29:1

”Ndiomo anu asalakono kau weweuo ndi ondae mokomempori ira ka domegagi sando mpesomba-Ku. Alaomo asa sapi lakino anu da mongura ka orua bimba lakino anu nahina tataano,

Peluarakoa 29:3

Asalakono luwuno kau naao a laro asa dula kau pesombaakono luwu anu a laro dula atuu meronga sapi lakino ka orua bimba lakino atuu.

Yesaya 53:10

Sine po'ehe-Do i Ue piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i Ue ta mokoweweuo.

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Imama 16:3

Kanandiomo i Haruni ba tamewinso i larono po'ianga mempori atuu, iwawao asa sapi laki mongura anu ta gagi pesomba po'onini hala ka asa bimba laki anu ta gagi pesomba tinunu.

Imama 2:1

”Tewala asa mia ta mompesombaako pesomba kaanga ndi Ondae i Ue, asalakono pesombano atuu tarigu moiko ntu'u. Asalakono i tawao lana ka iponaakono dupa i wawono.

Imama 4:14

tewala hala anu wineweudo atuu domento'orio, asalakono bawaa mpopesombaako asa sapi laki mongura gagi pesomba po'onini hala. Sapi atuu asalakono domewawao i arono Kema Tepotowoa.

Imama 4:3

ka tewala anu moweweu hala atuu sando mpesomba anu inurapi, ranta kai pokontehala ira bawaa, onae asalakono mompesombaako ndi Ondae i Ue asa sapi laki mongura anu nahina tataano gagi pesomba po'onini hala, hangano hala anu iweweuono atuu.

Imama 8:2

”Poboio i Haruni ka luwuno anano meronga saru onae, ka alao luwuno sangka, lana po'urapi ka sapi lakino pesomba po'onini hala, orua bimba lakino ka baki me'ihi roti nahi peragi,

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.