Podoaa 8:26 - Wunta Mempori

²⁶ Onae moiko ipokowali ira pepaekomono a Ngkema Tepotowoa i larono dome'anggao anggaado, sine nami anggao mbo'u anggaano se'eluno. Asalakono kanandiomo uweweu ira to Lewi mongkona anggaado.”

Podoaa 8:26 ပူးပေါင်းရင်းမြစ်များ

1 Tawarika 23:32

Ondae asalakono mpekakaakono anggaado a Ngkema Tepotowoa ka po'ianga mempori, saru anggaado mpokowali ira anano i haruni, luwuno pepaekompodo a mpoweweua pesomba i raha-Do i Ue.”

Yehesikieli 44:11

A mpo'ianga mempori-Ku ondaemo anu mpodagai a luwuno pewowa langkaino Raha Mempori ka mpopekakaako a laro Raha Mempori. Ondaemo anu mponsumbele pesomba tinunu ka pesomba sinumbele tiado tongku ka mpo'angga mpekakaako ira.

Yehesikieli 44:8

Omiu nahi mpekariao luwuno parewa-Ku anu mempori ka imentande ira ka impoweweu anu komiu meweweuo ndi Ongkue a mpo'ianga mempori-Ku.

Podoaa 1:53

Sine to Lewi asalakono mpekema lumimbuo Kema Mempori, po'iangano songka-Do Ue Ala, kasi dokona ntekudaako bawaa Isaraeli. To Lewi asalakono mpekakaakono Kema Mempori, po'iangano songka-Do Ue Ala.”

Podoaa 18:4

Asalakono dompe'asa saru omue ka me'anggao anggaado a Ngkema Tepotowoa menunu saru luwuno anggaa a ngkema atuu; sine mia biasa nahi moiko umpeda ndi omue.

Podoaa 3:32

Anu gagi petewawado to Lewi anu lalu i wawono, onaemo i Eleasa, anano sando mpesomba Haruni. Onae dumagai ira anu mpompekakaako luwuno sangka mempori.

Podoaa 31:30

Sine inso a ntia anu entonga mbo'u tiado to Isaraeli, asalakono alao asa inso a sompo lima pulu mia, sapi, kalide, asa bawaa bembe bimba, maupo luwuno pinotuwu susua, ka i'amba meweengakono luwuno a nto Lewi anu mpo'angga i Kema Mempori-Do i Ue.”

Podoaa 8:25

Sine mansano tinuwuno lima pulu nta'u, onae asalakono tepotola inso a anggaa atuu, ka siimo ipo'angga mbo'u.

1 TIMOTIU 4:15

Pekokoongakonomo luwuno atuu, tuwumo i larono ka imengkaa a luwuno mia kotaha-tahaneno tumuwumu.