Podoaa 6:23 - Wunta Mempori

²³ ”Pepaumo ndi Haruni ka a luwuno anano. Kanandiomo asalakono imeronso ira to Isaraeli. Pauako ira:

Podoaa 6:23 ပူးပေါင်းရင်းမြစ်များ

Tegagia 24:60

Domeronsoo i Ribeka, dompotaeakono, ”Pepaekompomami, po'ineeomo ka ugagi mosowu-sowu hadiono, ka inulemu mpentorokio luwuno kotano iwalido.”

Tegagia 47:10

Ka i'amba i Yako metabe ndi Pirao ka i'amba meluarako inso i arono i Pirao.

Tegagia 47:7

I Yusupu wawao mbo'u i Yako, amano me'aro ndi Pirao. Ka i'amba i Yako metabe ndi Pirao.

Tegagia 48:20

Ka i'amba rumonso ira i tempo atuu, ipotae, ”Saru pauomo neemiu to Isaraeli ira mporonso, kanandio: Po'ineeomo Ondae Ue Ala weweuko kana i Eparai ka kana i Manase.” Kanandiomo inaao i Eperai laluaopo sekono i Manase.

1 Mokole 8:55

Onae mentade ka ironso ira luwuno bawaa Isaraeli, ka ipepau meroku, ipotae,

1 Tawarika 23:13

Luwuno anano i Amarami, onaemo i Haruni ka i Musa. I Haruni pinakosi saru inuleno hawe nahina tampulaano ka dompopokomempori parewa anu tedoa mempori, ka dompotunu pesomba i aro-Do i Ue, ka dompekakaako Ira ka mompowee ronso a nee-Do hawe nahina tampulaano.

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Peluarakoa 39:43

Ka i Musa kumitao luwuno anggaa atuu. Mentee ntu'u domeweweuomo kana parenta-Do i Ue. Kanatuumo domeweweuo. Ka i'amba rumonso ira i Musa.

Podoaa 6:22

Mepau Ira i Ue ndi Musa,

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

1 KORINTI 1:3

Pompehohawa ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu kumongkomi komiu.

Winali 10:8

I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

Winali 21:5

Luwuno sando mpesomba inuleno to Lewi, asalakono aiwa merangkuhio, hangano ondaemo anu bininiki-Do i Ue, Ue Alamiu, anu mekakaako Ira ka mompowee ronso a nee-Do i Ue. Montonda pomputusidomo sompo kara-kara bela-mobelai, kai pinoko'umari.

Winali 33:1

Ndiomo ronso anu iweeako ira i Musa, tetenaa-Do Ue Ala atuu, a nto Isaraeli se'eluno imate.

IBARANI 7:1

Hangano i Melekisede onaemo mokole i Salemi ka sando mpesomba-Do Ue Ala Anu Lalu i Wawono; onae lumako tumotowoo i Burahima tempono ipekule i Burahima inso numangi ira mokole, ka rumonsoo.

IBARANI 7:7

Lano nahi pinokohapu, nine anu lalu i totono ironsoo anu lalu i wawono.

Yosua 8:33

Luwudo to Isaraeli, mia memota'udo, petewawa ka puu mpobitara mpentade ira mompombali i horino burua pedandia, umaropi ira sando mpesomba inso ia tongku Lewi, mia mpowawa burua pedandia-Do i Ue, maupo mia mehawe, ka lano mia i tu'ai, tia oruano me'aro i torukuno Gerisi ka tia oruano mbo'u me'aro i torukuno Eba, kana petenano i Musa ndi'ipua, tetenaa-Do i Ue, ba ira mporonso to Isaraeli.

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

2 YOHANE 1:3

Pe'aroa, pompowee ka rodoa inso ndi Ondae Ue Ala Ama, ka inso ndi Ondae i Yesu Kerisituu, Ana-Do i Ama, Ira kumongkomi kita a laro menteea ka pompehohawa.