Podoaa 6:2 - Wunta Mempori

² ”Pepaumo a nto Isaraeli ka pauako ira: Tewala asa tama ke beine mompau pontanga pinesusua, pontangano mia anu meweengakono tumuwuno ndi Ondae i Ue,

Podoaa 6:2 ပူးပေါင်းရင်းမြစ်များ

Peluarakoa 33:16

Gagi kana'umpe ira mento'orio mia, nine mohawe akumo pompehohawa i aro-Miu, ongkue ka bawaa-Miu andio? Kombake hangano Omiu kumongkomi kami, ranta omami, ongkue ka bawaa-Miu pinesusua inso a luwuno tongku i wawontolino?”

Powadi 18:1

Mia anu mo'ia asa-asano, mo'ungke ineheno, mosa'ono aroano mansa gagi a sompo pontimbanga.

Yeremia 35:6

Sine, mesangki ira, ”nahi kimpo'inu anggoro, hangano i Yonadabi anano i Rekabi, uempu'umami, moweeakamimo parenta, kanandio, ’Omiu ke luwuno anamiu si hori mpo'inu anggoro;

Imama 20:26

Omiu asalakono gagi mempori ndi Ongkue, hangano Ongkue andio Ue, mempori ka Kuponsia komiumo inso a luwuno tongku susua, kai megagi bawaa-Ku.

Imama 27:2

”Pepaumo a nto Isaraeli ka pauako ira: Tewala asa mia mompau pontanga ndi Ondae i Ue mongkona tinuwuno mia anu ineuako rekeno anu tinonda tempo atuu,

Podoaa 30:3

Sine tewala asa beine montanga ndi Ondae i Ue ka ipedandi i rahano amano tempono da i'ana beine,

Podoaa 6:1

Mepau Ira i Ue ndi Musa,

I LUKASI 1:15

Hangano onae ta langkai i aro-Do i Ue ka onae nahi ta mo'inu anggoro ke inua mompokomolangu ka onae ta bukeako Penaa Mempori mompu'u inso a mpe'anakaano ineno;

WINEWEUDO TINENA 18:18

I Paulu mo'ia ba opia oleo mbo'u i Korinti. Ka i'amba metompa a luwuno pepaekompo i tu'ai, ka isumomba lumako i Siria, umarino kumeruo wuuno i Kengkerea, hangano montangaomo. I Perisikila ka i Akiwila tumondao.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

GALATIA 1:15

Sine tempono Ondae, anu biniki akumo mompu'u inso a mpe'anakaado ineku ka moboi aku hangano pompehohawa-Do,

IBARANI 7:27

anu komba kana luwuno sando mpesomba langkai susua, anu sompo oleo asalakono mpompesombaako pesomba hangano halado ondaedo ka umarino atuu ka i'amba hangano halado bawaano, hangano mongkona atuu Doweweuomo pohona tiano ranta nahina tampulaano, tempono Dopesombaakono koroi-Do Ondae-Do gagi pesomba.

Puu Mpobitara 13:14

Kasi pongkaa hapamokoa anu inso a keu anggoro. Anggoro ke inua anu mompokomolangu, nahi moiko i'inuo ka luwuno anu inonto nahi moiko ikaano. Asalakono itondao a luwuno anu kuparentaakono ndi onae.”

Puu Mpobitara 13:4

Gagi dagaio koroimu, sipo'inu anggoro ke inua anu mompokomolangu ka sipongkaa kaanga anu inonto.

Puu Mpobitara 13:5

Nde omue ikomentia ka me'anaako asa ana ntama. Uluno nahi ta umaluo piso pekeru, nde nana'ote atuu ta gagi nasiri-Do Ue Ala tumampu'u da inso a laro kompono ineno. Onaemo ta mompu'u montolosi to Isaraeli inso a ngkaedo to Pilisiti.”

Puu Mpobitara 16:17

Ipauakonomo luwu anu winunino aroano, ”Uluku nahi hori kumonao piso pekeru, nde tumampu'u inso ilaro kompono ineku, ongkue andio nasiri-Do Ue Ala. Ba kineru uluku, tetadiomo rosoku ka aku gagi molema kana mia mehano.”

1 Samueli 1:28

Gaagi kuwali meweengakono ndi Ondae i Ue asa ntinuwuno.” Ka do'amba mpenggolontu mpesomba ndi Ondae i Ue i ra'ai.