Podoaa 4:5 - Wunta Mempori

⁵ Tempono ta melungka pekemaa, i Haruni ka luwuno anano asalakono mpewinso ira mpotiio sawu pelingo poborungi, ka meborungiakono burua po'iangano songka.

Podoaa 4:5 ပူးပေါင်းရင်းမြစ်များ

1 Tawarika 15:15

Ka i'amba inuleno i Lewi mentadeakono keu ponsela Burua-Do i Ue Ala atuu a wawo oweado, kana anu iparentaako ira i Musa, montonda pau-Do i Ue.

1 Tawarika 23:26

Bakanandio, to Lewi nami ira mentandeo mbo'u Kema Mempori ka luwuno parewa anu pinake a mpesomba i tu'ai.”

2 Tawarika 3:14

Ka i'amba moweweu sawu pelingono inso a bana wungo motu'a, wungo mongura, motaha motu'a ka lena alusu, ka i'amba sumulaakono gambara kerubi.

Peluarakoa 36:35

Wineweu mbo'u pelingo inso a bana wungo motu'a, wungo mongura, motaha motu'a, ka lena alusu anu kinoloro banano. Pelingo atuu sinula megambara kerubi.

Peluarakoa 40:3

Burua po'iangano songka asalakono unaao ilarono ka pasao sawu pelingo olotino i arono burua pedandia atuu.

Peluarakoa 40:5

Meda pontunua dupa inso a wulaa asalakono unaao i arono burua po'iangano songka ka a mpewowano Kema Mempori, asalakono pasao sawu pelingo.

Yesaya 25:7

A wawo ntorukuno andio Ondae i Ue Ira berio sawu po'inombo anu sinoumbuako a luwuno suku tongku ka boru anu binorungiako luwuno tongku.

Imama 16:2

Pau-Do i Ue ndi onae, ”Pauakonomo i Haruni, pepaekompomu kasi sompo tempo ipewinso a mpo'ianga mempori i bungkuno sawu pelingo, i arono tutuwino pesintuwua anu i wawono burua pedandia kasi mate. Hangano Aku mepopokita a laro nseru i wawono tutuwino pesintuwua atuu.

Podoaa 10:14

Anu tese'elu melungka onaemo sorodadu anu i totono bandera tepo'asaado inuleno i Yehuda montonda bawaado. Anu metewawa a bawaa atuu onaemo i Nahasoni anano i Aminada;

Podoaa 4:15

Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati.

Podoaa 4:4

Anggaado to Kehati i Kema Tepotowoa, onaemo mekakaakono luwuno sangka anu tedoa mempori.

Podoaa 7:9

Sine a inuleno i Kehati nahi poweeako ira maupo hapa, hangano anggaado onaemo mpontande luwuno sangka mempori a wawo oweado.

I MATIU 27:51

Ka kitaomo, sawu pelingo a Raha Mempori tesempa tepe'orua inso i wawono hawe i totono ka gagiomo leelu, ka pongku-pongku watu nteboka,

Winali 31:9

Ka i'amba i Musa burio songka Taura atuu, ka meweengakono a luwuno sando mpesomba inuleno i Lewi, anu mentandeo burua pedandia-Do i Ue, ka a luwuno mia memota'u Isaraeli.

IBARANI 10:20

hangano Do'ungkahiomo pesalaa anu wo'ohu ka anu tuwuakita telalo a mpelingo, onaemo koroi-Do isa'a,

IBARANI 9:3

I bungkuno pelingo anu ko'orua hinao mbo'u aasa kema anu nineeako po'ianga anu tedoa mempori.

1 Samueli 6:19

Asa ntia to Beti-Semesi Dopepate ira, hangano mpekita ira i larono Burua Pedandia-Do i Ue, pitu pulu mia, i olodo anu mate. Mpo'inombo ira palili, hangano Ondae i Ue mepate ira tedoa mongkokongiri.