Podoaa 4:15 - Wunta Mempori

¹⁵ Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati.

Podoaa 4:15 ပူးပေါင်းရင်းမြစ်များ

2 Samueli 15:24

Ka hinaano, i Sadoki mbo'u kongko i ra'ai saru luwudo to Lewi puu mpontande Burua Pedandia-Do Ue Ala. Domenaao Burua Pedandia-Do Ue Ala ranta luwuno bawaa inso i kota umari mpesakiako. I Abiata mbo'u metonda.

2 Samueli 6:13

Tempono luwuno mia anu menselao Burua-Do i Ue atuu mpelempa onoo laampa'a, ipesombaakono aasa sapi ka aasa anano sapi anu pinokomewalo.

1 Mokole 8:3

Mansado mehawe luwu mia memota'udo to Isaraeli, domentandeomo sando mpesomba burua atuu.

1 Tawarika 15:15

Ka i'amba inuleno i Lewi mentadeakono keu ponsela Burua-Do i Ue Ala atuu a wawo oweado, kana anu iparentaako ira i Musa, montonda pau-Do i Ue.

1 Tawarika 15:2

I tempo atuu motae i Daudi, ”Si hina anu tumandeo Burua-Do Ue Ala sangkadio to Lewi, hangano ondaemo anu bininiki-Do i Ue mentandeo Burua-Do i Ue ka mekakaako Ira hawe nahina tampulaano.”

1 Tawarika 23:26

Bakanandio, to Lewi nami ira mentandeo mbo'u Kema Mempori ka luwuno parewa anu pinake a mpesomba i tu'ai.”

Peluarakoa 19:12

Onaemo pu'uno asalakono poweweuako ira tida lumimbu ira tongku atuu ka pauako ira: Imetangkoroo koroimiu si mporake a ntorukuno atuu ke dumanggio tida, nde ba isemamokoa anu dumanggio torukuno atuu, asalakono onae hinuku mate.

Peluarakoa 19:21

Mepau Ira i Ue ndi Musa, ”Petiimo, pauako ira ntu'u tongku atuu, siimo dompotilalo umpeda ndi Ondae i Ue mingki mpengkita-kita, ka ta hadio inso ndi ondae anu mate.

Peluarakoa 27:7

Keu ponsela atuu asalakono wininso a laro mala-mala atuudo ka asalakono kongko i apano meda pontunua pesomba atuu i tempono meda pontunua pesomba atuu tinande.

Imama 16:13

Ka i'amba asalakono numaao dupa atuu a wawo api i aro-Do i Ue, ranta ahuno dupa atuu tumutuwio tutuwino pesintuwua anu i wawono songka-Do Ue Ala, kasi imate.

Podoaa 1:50

Sine, tena iramo medagaio Kema Mempori, po'iangano songka-Do Ue Ala saru luwuno sangka ka parewano. Ondae asalakono mentandeo Kema Mempori saru luwuno sangkano ka mpekakaakono saru mpekema melimbuo.

Podoaa 1:51

Tempono mpelungka, Kema Mempori asalakono domengkaleo to Lewi ka tempono mpekema, Kema Mempori asalakono ondae mempasao; sekono mia biasa anu merangkuhako asalakono hinuku mate.

Podoaa 10:21

Umarino atuu mpelungka iramo to Kehati, anu mentandeo luwuno sangka po'ianga mempori; Kema Mempori pinasaomo se'eluno napi domehawe.

Podoaa 18:3

Asalakono dome'anggao anggaado ndi omue, ka luwuno anggaado a ngkema; butu si dome'umpeda a mparewano po'ianga mempori ka a meda pontunua pesomba, te'ingka memate ira, moiko ondae maupo omiu

Podoaa 3:38

Anu mpekema i arono Kema Mempori i sabaano oleo, i arono Kema Tepotowoa, te'alaako a mpesabaakoano oleo, onaemo i Musa ka i Haruni saru luwuno anano. Ondae me'anggao anggaa pekakaakoano po'ianga memporido to Isaraeli. Mia biasa anu merangkuhako, asalakono hinuku mate.

Podoaa 4:14

Umarino atuu domenaao i wawono luwuno parewa anu pinake kana pontunua halo, sarampa, ponsodoli, loea kodei ponsiwui ka luwuno parewano meda pontunua pesomba atuu. I wawono asalakono domewileo pontutuwi inso a ngkuli alusu, umarino atuu pinokona luwuno keu ponselano meda pontunua pesomba atuu.

Podoaa 4:19

Ndiomo anu asalakono iweweuako ira ka dokongko mentuwu ka nahi domemate tempono dome'umpeda a luwuno sangka tedoa mempori: i Haruni ka luwuno anano asalakono mpewinso i larono ka numaa ira singge mia a mpo'iangano anggaano umpeda a sangka anu asalakono ta tinande.

Podoaa 4:20

Sine siimo dompewinso i larono ira mengkitao luwuno sangka mempori atuu maupo butu sarai, memate ira te'ingka.”

Podoaa 7:9

Sine a inuleno i Kehati nahi poweeako ira maupo hapa, hangano anggaado onaemo mpontande luwuno sangka mempori a wawo oweado.

Winali 31:9

Ka i'amba i Musa burio songka Taura atuu, ka meweengakono a luwuno sando mpesomba inuleno i Lewi, anu mentandeo burua pedandia-Do i Ue, ka a luwuno mia memota'u Isaraeli.

Yosua 4:10

Luwudo sando mpesomba anu mpontande burua pedandia mpentade ira mpiha i tongano koro Yarade, ranta ka i'umari wineweu luwuno anu Dotenaakono i Ue ndi Yosua ka domempinauako a tongku atuu, menunu kana petenano i Musa ndi Yosua. Umari atuu mpopari-pari iramo tongku atuu mpesakiako.

1 Samueli 6:19

Asa ntia to Beti-Semesi Dopepate ira, hangano mpekita ira i larono Burua Pedandia-Do i Ue, pitu pulu mia, i olodo anu mate. Mpo'inombo ira palili, hangano Ondae i Ue mepate ira tedoa mongkokongiri.