Podoaa 34:2 - Wunta Mempori

² ”Parenta iramo to isaraeli ka potaeako iramo: Tewala mpewinso komiu i wita Kana'a, ndiomo wita anu ta gagi tia pusakamiu, wita Kana'a montonda luwuno tidano.

Podoaa 34:2 ပူးပေါင်းရင်းမြစ်များ

Tegagia 10:19

Witado to Kana'a mompu'u inso i Sidoni te'aro i Gerari hawe i Gasa, te'aro i Sodomo, Gumora, Adima, ka Seboimi hawe i Lasa.

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

Po'unde-unde 105:11

”Ndi omue Aku meweengakono wita Kana'a, gagi tia pusaka anu tinantui tiamu.”

Peluarakoa 23:31

Aku patotoo tida wita miu inso a ntahi Teberau hawe a ntahi Pelisiti ka inso i pada one hawe i koro Eparata, nde Aku meweengako ira palili i wita atuu a ngkaemiu, ka imensaari ira inso ndi omiu.

Yeremia 3:19

Kupewowoloo, ”Mentee ntu'u Aku pakosiko gagi nana'ote-Ku ka moweeakomu wita anu tekosi, tia pusaka anu lalu tekosi inso a luwuno tongku. Kupewowoloo, omue komoboi Aku: Amaku, ka nahi komewolili mebinta Aku.

Yehesikieli 47:13

Kanandiomo pau-Do Ue Ala, ”Ndiomo luwuno tidano wita anu asalakono komiu mpetia-tiao gagi tia pusakamiu i olono hopulu ka orua suku Isaraeli. I Yusupu mohawe orua ntia.

Yehesikieli 47:14

Wita atuu asalakono impetiao mengkena onaemo wita anu saru sumpa Kudandio meweengakono a uempu'umiu ka kanatuumo wita andio gagi tia pusakamiu.

Podoaa 34:1

Mepau Ira i Ue ndi Musa,

WINEWEUDO TINENA 17:26

Inso a aasa mia koa Dopokogagiomo luwuno tongku ka luwuno mia ka dompo'iangario asa wawontolino ka Dopakosiako iramo luwuno tempo ka luwuno tidano po'iangado,

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

Yosua 11:23

Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.

Yosua 13:1

Mansano mota'u i Yosua ka melai tinuwuno, mepau Iramo i Ue, ndi onae, ”Mota'ukomo melaiomo tinuwumu, ka inso a wita andio da hadio anu napi pinentoroki.

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.