Podoaa 33:3 - Wunta Mempori

³ Dompelungka inso i Ramesi ia oleo kohopulu ka olima wula amba-ambano. Asa oleo umarino Pasa atuu to Isaraeli mpelempa mpeluarako, iwawa ira Kae anu Mantande, i arodo luwuno to Masiri,

Podoaa 33:3 ပူးပေါင်းရင်းမြစ်များ

Tegagia 47:11

I Yusupu wawa ira amano ka luwuno pepaekompono a mpo'ianga lalu moiko i wita atuu. Ka weeako ira gagi wita pine'uedo i wita Masiri, i wita Ramesesi, kana anu iparentaakono i Pirao.

Po'unde-unde 105:38

Tempono dompeluarako, to Masiri mpo'unde, hangano i'alu ira doitoa a nto Isaraeli.

Peluarakoa 1:11

Onaemo ka dompontiso anu mpodagai mia mpo'angga rodi anu ta dumadai ira ka dompo'angga mobea: ondae asalakono mewanguakono i Pirao kota Pitomi ka Ramese, ponaapa arataa.

Peluarakoa 12:2

”Wula andio tumondonio pompu'uano luwuakoano wula ndi omiu; onaemo wula ko'aasa a mpodoamiu wula sompo ta'u.

Peluarakoa 12:37

Umarino atuu, mpelungka iramo to Isaraeli melako inso i Ra'amase te'aro i Sukoti, tama anu mpelempa ngkaru bara'ura nomo'etu nsowu mia nahi tedoa nana'ote ka kombiado.

Peluarakoa 13:4

Oleo andio ilarono wula Abi, oleo peluarakoamiu.

Peluarakoa 14:8

Ondae i Ue mokomoteao aroano i Pirao, mokole Masiri atuu, onaemo ka ilampui ira to Isaraeli. Sine to Isaraeli mpelempa ira mpiha kae-Do i Ue kumongkomi ira.

Yesaya 52:12

Mentee ntu'u, nahi komiu memadara mpeluarako ka melako mpolai hangano Ondae i Ue Ira melempa i aromiu, ka Ondae Ue Alado to Isaraeli Ira gagi pokotompaano baresimiu.

Mika 2:13

Mia mperumpa ta lumako i arodo; ira mperumpa ka mpelempa melaloo pewowa langkai ka mpeluarako inso i tu'ai. Mokoledo ta melempa mpiha i arodo, Ondae i Ue petewawano baresido!

Podoaa 33:2

I Musa burio pelempaado montonda luwuno po'ianga tetoroa lumako a mpo'ianga tetoroa menunu saru petena-Do i Ue. Ndiomo luwuno po'ianga tetoroado a laro pelempaado: