Podoaa 32:33 - Wunta Mempori

³³ Ka i'amba a inuleno i Gadi, a inuleno i Rube ka a entongano suku Manase inuleno i Yusupu iweeako iramo i Musa poparentaano i Sihoni, mokoledo to Amori ka poparentaano i Ogo, mokole i Basani, moiko witado maupo luwuno kotano i asa wawo wita atuu, tewinso luwuno wita petengi-tengino kota atuu.

Podoaa 32:33 ပူးပေါင်းရင်းမြစ်များ

1 Tawarika 12:31

Inso a nsuku Manase anu entonga atuu, hinao hopulu ka oalu nsowu mia anu neeno teburi kai petonda motoroo i Daudi gagi mokole.

1 Tawarika 26:32

Pe'etuno i Yeria, luwuno mia anu moroso ka mosia, luwuno petewawado anu mpepe'etu, porokono rua nsowu ka pitu etu mia. Ondae dopotoro ira mokole Daudi dumagai ira to Rube, to Gadi ka suku Manase anu entonga atuu a luwuno anu wineweu tia-Do Ue Ala ka mokole.

1 Tawarika 5:18

Inso a inuleno i Rube, to Gadi ka suku Manase anu entongano atuu, hinao pato pulu ka opaa nsowu ka pitu etu ka nomo pulu mia anu tetinda ira mpetea, luwuno mia anu moroso ka mosia anu mompoko'ini kanta ka ponai saru mompadii wo'eno pana, anu leleoomo metea.

Podoaa 32:1

Inuleno i Rube ka inuleno i Gadi hadio pinotuwudo, nahi pinokopau hadiono. Mansado kumitao wita Yaeseri ka wita Gileadi, tengkitaomo po'ianga atuu moiko ntu'u pompekariaa pinotuwu.

Podoaa 32:32

Kami koa mpesakiako saru mpesangka mpetea i aro-Do i Ue melako i wita Kana'a, sine ndi omami tepakosiomo wita tia pusakamami i asatowano i ndi'ai koro Yarade.”

Podoaa 34:14

Hangano suku inuleno i Rube montonda pepe'etuado ka suku inuleno i Gadi montonda pepe'etuado, suku Manase mbo'u anu entonga atuu mpotarima iramo tia pusakado.

Podoaa 34:15

Orua ka entonga suku atuu mpontarima iramo tia pusakado i asatowano koro Yarade umpeda i Yeriko, i sabaano oleo.”

Winali 29:8

Tompoko'alao witado ka meweengakono a nto Rube, a nto Gadi, ka a nsuku Manase anu entongano atuu, gagi tia pusakado.

Yosua 12:1

Ndiomo luwuno mokole anu tenangi ia nto Isaraeli ka witado dompentorokio to Isaraeli i asatowano Yarade te'alaako i sabaano oleo, inso ia koro Aranoni hawe i torukuno Heremoni, ka luwuno Araba-Yarade i sabaano oleo:

Yosua 12:6

I Musa tetenaa-Do i Ue atuu saru to Isaraeli donangi iramo, ka i Musa, tetenaa-Do i Ue atuu ipeweengakonomo wita atuu a nto Rube, to Gadi ka ia tongku Manase anu asantia atuu gagi tiado.

Yosua 14:3

Nde ia tongku orua ka entonga mbo'u iweeako iramo i Musa i asambalino koro Yarade, sine ia nto Lewi nahi domempinoweeako pusaka.

Yosua 22:4

Sine kanandio-andio Ondae i Ue, Ue Alamu, Dopoweeako iramo rodoa ndi ondae pe'etumu, kana anu Dodandiako ira i Ue ndi ondae. Onaemo ka impekulemo ia kema miu, i wita miu, anu Doweeakomiumo i Musa, tetenaa-Do i asa towano Yarade.

Yosua 22:7

A tongku Manase anu asantia iweeako iramo i Musa tiado i Basani; a tongku anu asantia mbo'u, iweeako iramo i Yosua tiado i olodo pe'etudo te'alaako ia sumooano oleo Koro Yarade. Ka itena iramo mbo'u ka domelako ia kemado umarino rumonso ira,

1 Samueli 13:7

Hinao to Ibarani anu sumakio koro Yarade lumako i wita Gadi ka i Gilea, i Saulu da mo'ia i Giliga ka luwuno mia anu tumondao mpondende iramo.