Podoaa 31:8 - Wunta Mempori

⁸ Sangkadio luwuno mia anu mempinepate atuu, dompepateo mbo'u Mokole Ewi, i Rekemi, i Suri, i Huri ka i Reba, olima mokoledo to Midia. Ondae mbo'u mpepateakono ponai i Bilea anano i Beori.

Podoaa 31:8 ပူးပေါင်းရင်းမြစ်များ

Po'unde-unde 10:2

Saru pompelangka-langkai mia mosa'o gauno lumampuio mia tepokonsii; po'ineeomo dontekadu a laro pompopo'oo anu sinongkado.

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Powadi 11:3

Mia anu nahi pegaupi ipabawaio moleono aroano, sine anu mompau nahi mentee isolangio molengkuno.

Powadi 13:17

Tinena anu mosa'o gauno modontai mia a laro masolaa, sine tinena anu metenunu mowawa tompaa.

Habaku 3:7

Kukitao luwuno kemado to Kusiani medinado, ka luwuno tenda i wita Midia mpondidi-ndidi.

Podoaa 22:10

Motae i Bilea ndi Ondae Ue Ala, ”I Bala anano i Sipori, mokole i Moabi montena mia ndi ongkue saru pe'oliwi:

Podoaa 22:4

Mpotae iramo to Moabi a luwuno mia memota'udo to Midiani, ”Manasa sorodadu hadio atuu ira mepingkoo luwuakoano anu ihorito, kana sapi kumaano luwu ka ipingko anu tuwu molowulu i tonga mpada.” I tempo atuu i Bala anano i Sipori, onae mokole i Moabi.

Podoaa 22:5

Onae montena mia lumako ndi Bilea anano i Beori, i Petori anu i wiwino koro Eparata, i witado wali-walino pe'asa tongkuno, ka ipoboio, saru pe'oliwi, ”Ka ito'oriomo, hinao asa tongku meluarako inso i wita Masiri. Mentee ntu'u, wawo wita tetutuwiako ondae. Kontongaado mpekema i aroku.

Podoaa 23:10

Isemake anu hori dumoao awuno i Yako ka isema anu hori momporoko tepumpuno awuno i Isaraeli? Bakanaano aku mate kana mateno mia moleo bakanaano mateaku kana mateado.”

Podoaa 24:14

Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

Podoaa 24:25

Mepatindaomo i Bilea ka ipekule a mpo'iangano ka i Bala mbo'u lumako inso a mpo'ianga atuu.

Podoaa 25:15

Beine Midia anu mate pinepate meneeako i Kosibi ana beineno i Suri. I Suri onaemo petewawado anu mpepe'etu inso a nsuku Midia.

Podoaa 25:18

hangano domensapoiakomiu pe'akala anu pinatindado ndi omiu a nteweweuno i Peori ka i Kosibi, pepaekompodo, ana beineno asa mia petewawado to Midia. Beine atuu mate pinepate i tempono petiino pohuku hangano i Peori atuu.”

Podoaa 31:16

Komba luwuno beine andio ke, a mpatuduno i Bilea gagi pompu'uano to Isaraeli nahi dompetenunu ndi Ondae i Ue anu gagi ndi Peori, ranta kai petii pohuku umalu ira bawaa-Do i Ue.

Podoaa 31:9

Ka do'amba to Isaraeli mentawa ira beinedo to Midia ka luwuno anado saru mempomuruo luwuno pinotuwu ka pompolido.

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.