Podoaa 31:2 - Wunta Mempori

² ”Weweuomo pombaloado to Isaraeli a nto Midia; ka u'amba pinumpu saru uempu'umu.”

Podoaa 31:2 ပူးပေါင်းရင်းမြစ်များ

Tegagia 15:15

Omue kolumako manangai ndi ondae uempu'umu ka kokinaburu tempono moputeomo wuumu.

Tegagia 25:17

Tinuwuno i Sumaila, asa etu tolupulu ka opitu nta'u. Onae tampula penaano, mate ka pinumpu a uempu'uno.

Tegagia 25:8

ka i'amba tampula penaano. Onae mate i tempono moputeomo wuuno, mota'u ka tende ntinuwu. Onae pinumpu a uempu'uno.

Peluarakoa 2:16

Sando mpesomba i Midia atuu hinao opitu ira anano beine. Me'aiwa ira mpontambu uwoi umihiio dula pinotuwu ta mopo'inu ira asa bawaa bembe bimbano amado.

Yesaya 1:24

Ondaemo pu'uno, kanadiomo pau-Do i Ue, Ondae Ueno luwuakoano, Anu Tedoa Moroso, Puu Pongkaduduido to Isaraeli; ”Petangkoro, Aku motiio tekuda-Ku a luwuno iwali-Ku, ka mombalo a luwuno iwali-Ku.

Nahumi 1:2

Ondae i Ue atuu Ue Ala anu meposiri ka puu mpombalo, Ondae i Ue atuu puu mpombalo ka bukeako tensilano tekuda, Ondae i Ue atuu puu mpombalo a luwuno anu umewai Ira ka monaa aroa a luwuno iwali-Do.

Podoaa 20:24

”I Haruni ta pinumpu a uempu'uno, hangano onae nahi ta mewinso a wita anu Kuweeako ira to Isaraeli, hangano orua komiu i'ewaiomo petena-Ku umpeda mata uwoi Meriba.

Podoaa 20:26

lohuomo sangkano i Haruni ka pokonaomo atuu ndi Eleasari, anano, ka i'amba i Haruni ta pinumpu a uempu'uno ka mate i ra'ai.”

Podoaa 25:1

Kontongaado to Isaraeli mpo'ia i Sitimi, mpopu'u iramo tongku atuu mponsosabo saru beinedo to Moabi.

Podoaa 25:6

Tempo atuu asa to Isaraeli hawe mowawa asa mia beine Midia a mpe'etuno i arono i Musa ka luwuno bawaa Isaraeli anu kontongaado mpengese i arono pewowa Kema Tepotowoa.

Podoaa 27:13

Umarimu kumitao, komopinumpu saru uempu'umu, mengkena kana i Haruni, akamu.

Podoaa 31:1

Mepau Ira i Ue ndi Musa,

Podoaa 31:3

Ka i'amba mepauomo i Musa a tongku atuu, ”Moikoomo bate'opia mia inso i olomiu mompatinda sangka peteano ta metea, ka dome'ewaio Midia ka mpeleluakono pombalo-Do i Ue a nto Midia.

I LUKASI 21:22

hangano onaemo atuu tempo pombaloa nde ta inihii luwuno anu binuri.

WINEWEUDO TINENA 13:36

Hangano i Daudi weweuo po'ehe-Do Ue Ala a tempono, ka i'amba mate ka pinombole i horino uempu'uno, ka onae lano pineweengako a matea.

ROMA 12:19

Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue.

ROMA 13:4

Hangano to poparenta onaemo tetenaa-Do Ue Ala tiano moikomiu. Sine tewala moweweuko mosa'o, doitoakonomo, hangano hapamo koa tuduno to poparenta ka dompotampi ponai. To poparenta onaemo tetenaa-Do Ue Ala mombaloakono tekuda-Do Ue Ala ndi ondae anu mpoweweu mosa'o.

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

Winali 4:22

Mentee, aku mate i wita andio ka nahi aku sumakio Koro Yarade, sine komiu mensakio ka mpetorokio wita anu moiko atuu.

1 TESALONIKA 4:6

ka mongkona luwuno andio mia ka si poweweu anu nahi moiko a mpepaekompono ke mopo'oo. Hangano Ondae i Ue mombaloakono luwuno andio, kana anu kimempauomo ka mpokomanasaa komiu i ndi'upua.

IBARANI 10:30

Hangano tomento'ori Ira anu mepau, ”Pombaloa onaemo tia-Ku. Ongkuemo anu tumuntuo pombaloa.” Ka mbo'u, ”Ondae i Ue Ira bitarao bawaa-Do.”

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

MENGKAAA 6:10

Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?”

Puu Mpobitara 16:24

Ka itempono domengkitao mia i Simeso, do'unde-undeo anu pinesombaido, ka dompebooli, ”Dopeweengakonomo anu pinesombaito ia ngkaeto iwalito, anu sumolangio witato, ka anu mepate ira hadio wali-walito.”

Puu Mpobitara 2:10

Mansano luwuno inuledo atuu mempinumpu a ue mpu'udo, mehina iramo mbo'u inuledo anu susua, anu nahi domento'ori Ira i Ue, ke ba anu wineweu-Do a nto Isaraeli.