Podoaa 30:13 - Wunta Mempori

¹³ Sompo pontanga ka sompo sumpa pedandino beine atuu ta me'urumako saru mepuasa, ta gagi kanatuu ke maupo nahi pokogagio tamano.

Podoaa 30:13 ပူးပေါင်းရင်းမြစ်များ

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Po'unde-unde 35:13

Sine ongkue, tempono domemahaki, kupokonao sawu po'inombo; ka me'urumako saru mepuasa, ka mekakai mbo'u saru metuundu,

Yesaya 58:5

Kanandioke puasa anu inehe-Ku: oleo tiado mia mpobobarasai koroido, ka metuundu kana gelaga ka mowile sawu kampili ka awu gagi pe'empehi moturi? Onaemoke atuu anu pinaumu puasa, oleo pompehohawa-Do i Ue?

Imama 16:29

Onaemo andio anu asalakono gagi pompakosi ranta nahina tampulaano ndi omiu: a wula ko'opitu, tanggala hopulu wula atuu asalakono impe'urumako saru mempuasa ka si mpoweweu anggaa hapamokoa, maupo bawaa ntu'u ke maupo mia hawe anu mpo'ia i tonga-tongamiu.

Imama 23:27

”Sine a tanggala hopulu wula ko'opitu atuu onaemo oleo pesintuwua. Asalakono impoweweu tepotowoa mempori ka impe'urumako kai mempuasa saru mpopesombaako pesomba anu tinunu ndi Ondae i Ue.

Imama 23:32

Onaemo atuu saba, oleo penaa-naaamiu ntu'u, ka asalakono impe'urumako saru mepuasa. Mompu'u a wongi tanggala osio wula atuu, inso a sumoono oleo hawe kai sumoo oleo, asalakono impelangkaio saba-Ku.”

Podoaa 29:7

Ia oleo kohopulu wula anu ko'opitu atuu, asalakono impoweweu tepumpua mempori ka mpe'urumako saru mempuasa; si mpo'angga anggaa hapamokoa.

Podoaa 30:12

Sine tewala tamano atuu mekora balio tempono irongeo, asalakono maupo hapa pinau anu meluarako inso a ngangano, moiko pontanga maupo dandino nahi ta gagi. Umariomo ibalio tamano, ka Ondae i Ue Ira umampunio kombiano atuu.

Podoaa 30:14

Sine, tewala tamano nahi pompauakono hapa-hapa ndi onae inso a oleo asa hawe a oleo tudano, ipokomengkaaomo sompo pontangano kombiano ke sompo dandi anu gagi pasuano kombiano; ipokomengkaaomo, hangano nahi pompau hapa-hapa ndi onae tempono irongeo.

1 KORINTI 11:3

Sine ineheku, ka imento'orio mongkona andio, onaemo petewawano sompo tama Ondaemo i Kerisituu, petewawano beine onaemo tama ka petewawa-Do i Kerisituu onaemo Ondae Ue Ala.

1 KORINTI 11:9

Ka tama komba pinokogagi hangano beine, sine beine pinokogagi hangano tama.

1 KORINTI 7:5

Si memambe olaiako, sangkadio tepo'asaamiu a tempo anu sarai, ka ipohawe koa tempo mekakai. Umarino atuu ka iwali tuwu me'asa, ka si popandei komiu i Mosa'o, hangano nahi mpokompeteao po'eheno aroamiu.