Podoaa 30:12 - Wunta Mempori

¹² Sine tewala tamano atuu mekora balio tempono irongeo, asalakono maupo hapa pinau anu meluarako inso a ngangano, moiko pontanga maupo dandino nahi ta gagi. Umariomo ibalio tamano, ka Ondae i Ue Ira umampunio kombiano atuu.

Podoaa 30:12 ပူးပေါင်းရင်းမြစ်များ

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Yeremia 44:19

Ka i'amba beine atuudo mentiangio, ”Lano mpontunu kami pesomba ka mpompesombaako pesomba tinawa a mpinesombai beine i suruga. Nde nahi domento'orio tamamamike nine mpoweweu kami kukisi pesomba mengkena tadeno saru tinahano ka mpopesombaako pesomba tinawa ndi onae?”

Podoaa 15:25

Sando mpesomba asalakono moweweu pesintuwua tiado luwuno bawaa Isaraeli, ranta ka dompohawe te'oninino hala. Hangano mongkona atuu gagi nahi pine'inungako, ka Ondae mbo'u mpowawa iramo luwuno pesomba gagi pesomba tinunu ndi Ondae i Ue, saru pesomba po'onini hala i aro-Do i Ue hangano anu nahi pine'inungako atuu.

Podoaa 15:28

Sando mpesomba asalakono moweweu pesintuwua i aro-Do i Ue tiano mia anu nahi pe'inungako moweweu hala, ranta hangano wineweu pesintuwua, mia atuu mohawe te'oninino hala.

Podoaa 30:11

ka irongeo tamano, sine nahi pompau hapa-hapa ndi onae ka nahi ontoo, asalakono luwuno pontangano beine atuu ta gagi, kanatuukoa mbo'u sompo dandi anu tumanggoo beine atuu.

Podoaa 30:13

Sompo pontanga ka sompo sumpa pedandino beine atuu ta me'urumako saru mepuasa, ta gagi kanatuu ke maupo nahi pokogagio tamano.

Podoaa 30:5

Sine tewala amano umontoo tempono irongeo atuu, asalakono luwuno pontanga ka dandino anano atuu nahi ta pinokogagi; Ondae i Ue Ira umampunio beine atuu, hangano i'ontoomo amano.

Podoaa 30:8

Sine tewala tamano atuu umontoo tempono irongeo, ka ibaliomo pontanga anu gagi pasuano beineno ka dandi anu pinauno kanatuumo koa ka anu umongoo beineno. Ira umampunio i Ue kombiano atuu.

1 KORINTI 11:3

Sine ineheku, ka imento'orio mongkona andio, onaemo petewawano sompo tama Ondaemo i Kerisituu, petewawano beine onaemo tama ka petewawa-Do i Kerisituu onaemo Ondae Ue Ala.

1 Samueli 1:23

Ipotae i Elikana tamano, ndi onae, ”Weweuomo hapa anu pinemoikomu. Po'iamo ranta ka itepotoe mo'uo. Topo'ema ka Do'ihiio i Ue dandi-Do.” Gagi beine atuu mo'iaomo i raha mo'uoo anano ranta ka itepotoe.