Podoaa 29:12 - Wunta Mempori

¹² Ia oleo kohopulu ka olima wula ko'opitu atuu, asalakono impoweweu tepumpua mempori. Si mpo'angga mobea anggaa hapamokoa; asalakono impoweweuako Ira i Ue porame-ramea, opitu oleo tehineno.

Podoaa 29:12 ပူးပေါင်းရင်းမြစ်များ

1 Mokole 12:32

Ka i'amba i Yerobea pakosio asa oleo langkai a oleo anu kohopulu ka olima wula ko'oalu, mengkena kana oleo langkai i Yehuda, ka onaeno mewuatako a ensano pontunua pesomba atuu. Kanandiomo iweweuo i Beteli. Ipesombaakono pesomba a luwuno ana nsapi anu wineweunomo atuu. Itena ira mbo'u sando mpesomba a mpo'ianga po'unde-undea anu iweweuomo.

Esera 3:4

Domeweweuo mbo'u rame-rame oleo langkai Laika Lewe Ngkeu, menunu saru anu teburi, ka sompo oleo mpopesombaako ira pesomba tinunu, montonda hadiono anu pinakosi tiano sompo oleo.

Nehemia 8:14

Ia oleo ko'orua luwuno petewawado anu mpepe'etu luwuno tongku, luwuno sando mpesomba ka luwuno to Lewi me'aiwa mpepumpu ndi Esera, anu tedoa pande a songka Taura atuu, ka domemparesao pauno Taura atuu.

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Peluarakoa 23:16

Impelangkaio mbo'u rame-rame umari sumowi, wua amba-ambano inso a mpo'anggamu morawo inii i lere, ka rame-rame pompumpua wua pinopaho, i tempono upopumpu wua pinopaho a mpo'anggamu i lere ia pokotampulaano ta'u.

Peluarakoa 34:22

Oleo langkai Opitu Minggu, porame-ramea wua amba-ambano sumowi gandu, asalakono imeweweuo, kanatuu koa mbo'u oleo langkai Popumpua Wua Mpinopaho a mpepo'euano ta'u.

Yehesikieli 45:25

A wula ko'opitu, tanggala hopulu ka olima wula atuu, a oleo langkai, onae asalakono mompatinda pesomba po'onini hala, pesomba tinunu, pesomba kaanga, ka lana i larono opitu oleo.

Imama 23:7

A oleo amba-ambano asalakono impoweweu tepotowoa mempori ka si mpo'angga maupo anggaa hapamokoa anu mobea.

Podoaa 29:1

A ntanggala asa wula ko'opitu, asalakono impoweweu tepumpua mempori. Si mpo'angga anggaa hapamokoa anu mobea. Onaemo oleo i puuriakomiu serunai.

Podoaa 29:13

Asalakono impopesombaako pesomba tinunu, pesomba tinunu a api, gagi woo mokomawongko Ira i Ue: hopulu ka otolu sapi lakino mongura, orua bimba lakino, hopulu ka opaa bimba lakino anu tinuwuno asa nta'u; asalakono luwuno atuu nahina tataano;

Podoaa 29:35

Ia oleo ko'oalu asalakono impoweweu tepumpua langkai, si mpo'angga mobea anggaa hapamokoa.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.