Podoaa 28:6 - Wunta Mempori

⁶ Onaemo pesomba tinunu wela pinesombaako anu pinakosi i wawono torukuno Sinai gagi woono anu mompokomawongko, asa pesomba tinunu ndi Ondae i Ue.

Podoaa 28:6 ပူးပေါင်းရင်းမြစ်များ

2 Tawarika 2:4

To'oriomo, aku wanguo rahano nee-Do i Ue, Ue Alaku aku mokomemporiako Ira, ka itinunu dupa mo'ahi i aro-Do, roti pesomba pinatinda mpiha ka pesomba tinunu pinesombaako tempono mo'oru ka ngkiniwia, a sompo oleo Saba ka wula wo'ohu ka a luwuno porame-ramea anu pinakosi-Do i Ue, Ue Alamami. Onaemo anu asalakono domeweweuo to Isaraeli ranta nahina tampulaano.

2 Tawarika 31:3

Pompoweeno mokole inso a arataano ninaa tiano pesomba tinunu, onaemo: pesomba tinunu mo'oru ka ngkiniwia, pesomba tinunu a oleo Saba ka wula wo'ohu ka a luwuno oleo langkai, kana anu teburi a laro Taura-Do i Ue.

Esera 3:4

Domeweweuo mbo'u rame-rame oleo langkai Laika Lewe Ngkeu, menunu saru anu teburi, ka sompo oleo mpopesombaako ira pesomba tinunu, montonda hadiono anu pinakosi tiano sompo oleo.

Po'unde-unde 50:8

Komba hangano pesomba sinumbelemu ka Kukuahakomu; kombake pesomba tinunumu wela pinesombaako i aro-Ku?

Peluarakoa 24:18

I Musa mewinso a laro nseru ka ipotilalo morake a ntorukuno atuu. Onae mo'ia a ntorukuno atuu pato pulu oleo ka pato pulu wongi.

Peluarakoa 31:18

Mansa-Do umari mepau ndi Musa i torukuno Sinai, Ondae i Ue meweengakono ndi onae orua watu poburia songka, watu anu binuriako toniso-Do Ue Ala.

Yehesikieli 46:14

Umarino atuu sompo mo'oru onae asalakono mompatinda pesomba kaanga asa ntia onoo efa tarigu saru asa ntia otolu hini lana ta sinalo saru tarigu moiko. Onaemo pesomba kaanga tia-Do i Ue, ka pompakosi atuu tinonda mpiha ranta nahina tampulaano.

Yehesikieli 46:15

Kanatuumo dompesombaakono bimba ka pesomba kaanga saru lana sompo mo'oru gagi pesomba tinunu anu wineweu mpiha.

Imama 27:34

Onaemo luwuno parenta anu pinohawe-Do i Ue ndi Musa i torukuno Sinai tiado to Isaraeli.

Imama 6:9

”Parentaomo i Haruni ka luwuno anano: Ndiomo songka mongkona pesomba tinunu. Pesomba tinunu atuu asalakono mo'ia mpiha a wawo api i wawono meda pontunua pesomba, asa wongi hawe mo'oru ka api a meda pontunua pesomba asalakono dinagai kai melanga mpiha i wawono.

Amosi 5:25

”Nde impesombaakonoke ndi Ongkue pesomba sinumbele ka pesomba kaanga, i larono pato pulu nta'u i pada one atuu, hei Isaraeli?

Podoaa 28:5

ka asa ntia hopulu efa tarigu moiko ntu'u weweua pesomba kaanga, sinaloako asa ntia opaa hini lana inso a nsaitu anu pinokomotutu.

Podoaa 28:7

Pesomba tinawa anu merongaakono asa ntia opaa hini a sompo bimba lakino; tawaomo inua anu mopokomolangu gagi pesomba tinawa ndi Ondae i Ue a mpo'ianga mempori.

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.