Podoaa 28:2 - Wunta Mempori

² ”Parenta iramo to Isaraeli ka pauako ira: Impetenunu ka ia tempo anu pinakosi asalakono imewawao luwuno pesomba ndi Ongkue gagi kaanga-Ku, onaemo pesomba tinunu anu woono Kupemoikoo.

Podoaa 28:2 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

1 Tawarika 23:31

ka sompo mpopesombaako luwuno pesomba tinunu ndi Ondae i Ue ia oleo Saba, wula wo'ohu ka oleo langkai, menunu saru porokono anu lano pinakosiomo i aro-Do i Ue.

2 Tawarika 23:18

Ka i'amba i Yoyada meweengakono dagaiano raha-Do i Ue a luwuno sando mpesomba ka to Lewi, anu umarimo itia-tiao i Daudi a laro bawaano dompo'angga i laro raha-Do i Ue, onaemo ka dompopesombaako pesomba tinunu ndi Ondae i Ue, kana teburi a laro wunta Taurano i Musa saru memawongko ka saru penani montonda pontisono i Daudi.

2 Tawarika 31:3

Pompoweeno mokole inso a arataano ninaa tiano pesomba tinunu, onaemo: pesomba tinunu mo'oru ka ngkiniwia, pesomba tinunu a oleo Saba ka wula wo'ohu ka a luwuno oleo langkai, kana anu teburi a laro Taura-Do i Ue.

Esera 3:2

Tempo atuu i Yesua anano i Yosada saru luwuno pepaekompono, luwuno sando mpesomba ka i Serubabeli anano i Sealitieli saru luwuno pepaekompono mpowangu meda pontunua pesomba ndi Ondae Ue Alado to Isaraeli ka dompompesombaako pesomba tinunu i wawono, menunu anu teburi a wunta Taurano i Musa, tetenaa-Do Ue Ala.

Esera 3:3

Domewanguo meda pontunua pesomba atuu a mpo'iangano amba-ambano, maupo domedoitoako ira luwuno tongku i wita atuu, ka do'amba pesombaakono i wawono pesomba tinunu tempono mo'oru ka ngkiniwia ndi Ondae i Ue.

Nehemia 10:34

Omami, luwuno sando mpesomba, luwuno to Lewi ka mia hadio, pontende undi mompakosi pompatindaa keu ponahu. Keu atuu asalakono domewawao luwuno pe'etumami i Raha-Do Ue Alamami ia luwuno tempo anu pinakosi sompo ta'u, ka ihina koa api anu melanga a wawo meda pontunua pesomba ndi Ondae Ue Alamami, kana teburi a wunta Taura.

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Peluarakoa 23:15

Oleo Langkai Roti Nahi Peragi asalakono impelangkaio. Kana anu umariomo Kutenaa komiu, i larono opitu oleo omiu asalakono impokaa roti nahi peragi ia tempo anu pinakosi a wula Abi, hangano a wula atuumo omiu mpeluarako inso i wita Masiri. Sine, mia anu mesomba ndi Ongkue, si aiwa moa ngkae.

Peluarakoa 29:18

Ka i'amba luwuno bimba atuu, asalakono tunuo a wawo meda pontunua pesomba. Onaemo pesomba tinunu, pesomba anu mo'ahi woono ndi Ondae i Ue, pesomba anu tinunu a api tia-Do i Ue.

Yehesikieli 16:19

Kaanga mbo'u anu kuweeakomu onaemo tarigu moiko ntu'u, lana, ka siu hoani, anu Kuweeakomu gagi kaangamu, upesombaakonomo ndi ondae gagi pesomba anu mo'ahi woono. Kanatuumo anu gagi, pau-Do Ue Ala.

Yehesikieli 20:41

Kana pesomba anu mo'ahi woono Aku memoiko komiu i tempono Kuluarako komiu inso i tongano luwuno tongku ka pumpu komiu inso i luwuno wita, isua itesiarawo. Aku mopokitao mempori-Ku i olomiu i arodo luwuno tongku.

Yehesikieli 45:17

Mokolemo anu tumo'orio pesomba tinunu, pesomba kaanga, pesomba tinawa a oleo langkai, wula wo'ohu, ka oleo Saba, a sompo porame-rameado suku Isaraeli. Onaemo anu ta patindao pesomba po'onini hala, pesomba kaanga, pesomba tinunu, ka pesomba tekaduduia moweweu pesintuwuado suku Isaraeli.”

Imama 1:13

Ihi kompono ka witino asalakono wino'ohiako uwoi. Luwuno dompesombaakono sando mpesomba ka tinunu i wawono meda pontunua pesomba. Onaemo pesomba tinunu, pesomba tinunuako api anu woono mokomawongkoo aroa-Do i Ue.

Imama 1:17

Asalakono isopio manu-manu atuu a mpu'u panino sine si teponsia. Ka i'amba sando mpesomba tumunuo i wawono meda pontua pesomba i wawono keu anu kontongaano melanga. Onaemo pesomba tinunu, pesomba tinunuako api anu woono mokomawongkoo aroa-Do i Ue.”

Imama 1:9

Ihi kompono ka witino asalakono wino'ohiako uwoi ka sando mpesomba tumunuo luwu i wawono meda pontunua pesomba, gagi pesomba tinunu anu woono mokomawongkoo aroa-Do i Ue.

Imama 21:6

Ondae asalakono mempori ndi Ondae Ue Alado ka si domelaloo memporino nee-Do Ue Alado. Hangano ondaemo anu mpopesombaako luwuno pesomba tinunu ndi Ondae i Ue, gagi pesomba ndi Ondae Ue Alado, ka hangano atuu ondae asalakono mempori.

Imama 21:8

Asalakono imentuduo onae mempori, hangano onaemo anu mompesombaako pesomba ndi Ondae Ue Alamiu. Onae asalakono mempori ndi omiu, hangano Ongkue, Ue, anu mokomempori komiu mempori.

Imama 3:11

Asalakono itunuo sando mpesomba i wawono meda pontunua pesomba gagi kaanga, asa pesomba ndi Ondae i Ue anu tinunuako api.

Maleaki 1:12

Sine impesombaakono saru mpotae, ”Meda-Do i Ue lano kinokoburuti ka kaanga anu kongko i tu'ai moiko ipineruanahi!”

Maleaki 1:7

Omiu mpowawa roti anu mokoburu a wawo meda pontunua pesomba-Ku. Sine mpotae komiu, ”Kana'umpeke kimengkokoburutio?” Saru mpopewowolo nine meda-Do i Ue moiko ipineruanahi!

Podoaa 15:24

Ka tewala mongkona atuu wineweu nahi domento'orio bawaa, nahi pine'inungako, asalakono luwuno bawaa meweweuo asa sapi lakino mongura gagi pesomba tinunu anu woono gagi mokomawongko Ira i Ue, meronga pesomba kaangano ka pesomba tinawano, menunu saru atora, saru asa mbo'u bembe lakino gagi pesomba po'onini hala.

Podoaa 15:3

ka komiu popesombaako pesomba tinunu ndi Ondae i Ue, inso a nsapi ke inso a asa bawaa bembe bimba, moiko pesomba tinunu ke pesomba sinumbele, moiko gagi pesomba po'ihii pontanga pinesusua, ke pesomba a moputeno aroa ke pesomba i tempono oleo langkaimiu, weweua anu woono mokomawongko Ira i Ue,

Podoaa 15:7

Ka gagi pesomba tinawa, asalakono impesombaako asa ntia otolu hini anggoro, anu woono gagi mokomawongko Ira i Ue.

Podoaa 28:1

Mepau Ira i Ue ndi Musa,

Podoaa 29:39

Onaemo luwu anu asalakono imeweweuako Ira i Ue ia luwuno oleo langkaimiu gagi luwuno pesomba tinunumiu, luwuno pesomba kaangamiu, luwuno pesomba tinawamiu ka luwuno pesomba tekaduduiamiu, saru luwuno pesomba pontangamiu ka luwuno pesomba a moputeno aroamiu.”

Podoaa 9:13

Posuleno mia anu nahi mokoburu ka komba a laro pelempaa, sine nahi pomperio mokomaroao Pasa, mia atuu asalakono pinokotampula inso i olodo mia pe'asa tongkuno, hangano nahi powawa pesombano ndi Ondae i Ue ia tempono. Mia atuu ta tumembio halano.

Podoaa 9:7

Dompotae ndi onae, ”Omami lano mokoburu hangano wata ngkoroi, tembio ka kime'inonto mpowawa pesomba ndi Ondae i Ue i tonga-tongado to Isaraeli ia tempo anu pinakosi?”

2 KORINTI 2:15

Hangano ndi Ondae Ue Ala omami onaemo woo anu mana mo'ahi inso ndi Ondae i Kerisituu i tonga-tongado anu mengkinadudui ka i olodo anu memate.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

PILIPI 4:18

Kanandio-andio kutarimaomo luwu anu kinereku inso ndi omiu, tendeano toreaomo. Mare'e akumo, hangano kutarimaomo oliwimiu inso ndi Epaporoditu, aasa pesomba anu mana mo'ahi, aasa pesomba anu inehe-Do ka Dopemoikoo Ue Ala.