Podoaa 27:16 - Wunta Mempori

¹⁶ ”Po'ineeomo Ondae iUe, Ue Alano penaa a luwuno anu tuwu, Ipompotoromo te'asa mia a bawaa andio

Podoaa 27:16 ပူးပေါင်းရင်းမြစ်များ

1 Mokole 5:5

Kai to'oriomo, Tinooku aku mowangu asa raha tiano nee-Do i Ue, Ue Alaku, kana anu dinandi-Do i Ue ndi ondae amaku i Daudi, kanandio: Anamu anu Aku motoroo a ngkadera poparentaamu umeuko, onaemo anu ta wanguo raha atuu tiano nee-Ku.

2 Mokole 11:8

Asalakono imelibu ira mokole inso a luwuno siuno, singge mia saru parewa mpetea a ngkaeno. Maupo isema anu merumpa a baresi mpodagai asalakono pinepate. Sompo dopeluarako ke mewinso si mpo'inee ira mokole asa-asado.”

Puu Pontutulu 12:7

ka pampawu mekule gagi wita kana se'eluno ka penaa tuwu mekule ndi Ondae Ue Ala anu mewengakono.

Yeremia 3:15

Aku mompotoroakomiu puu pompakambi anu menunu saru aroa-Ku. Ira mempakambiakomiu pande ka ponto'ori.

Yeremia 32:27

”Menteeano, Ongkuemo Ue, Ueno luwuno anu tuwu. Hinaoke anu nahi Kupolio?

Yeremia 38:16

Ka i'amba mokole Sedekia mewuni-wuni mesumpa ndi Yeremia, kanandio, ”A nee-Do i Ue anu tuwu anu moweeakitamo penaa andio, nahi aku mepateko ka nahi aku meweengakomu a ngkaedo mia anu mpomporaakono penaamu.”

Yehesikieli 18:4

Mentee ntu'u, luwuno penaa atuu Ongkue ueno! Moiko penaano ama maupo penaano ana atuu Ongkue ueno! Isema anu moweweu hala, onaemo anu asalakono mate.

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

Podoaa 27:15

Ka i'amba i Musa mepau ndi Ondae i Ue,

I MATIU 9:38

Onaemo pu'uno impo'emamo a ueno sowia, ka Dopontena anu mpo'angga a nsowia atuu.”

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

Winali 31:14

Ka i'amba Ondae i Ue mepau ndi Musa, ”Menteeano rangkuomo tempono mateamu. Poboiomo i Yosua ka pentademo saru onae i laro Kema Tepotowoa, ka Kupoweeakono parenta.” Ka i'amba i Musa saru i Yosua lumako ka mentade i larono Kema Tepotowoa.

IBARANI 12:9

Ka i'amba: inso a amato anu menteeano mpohawe kita pohuku, ka tompelangkai ira; tewala kanandio kombake asalakono laluaopo tompomperorongeako ndi Ondae Amano luwuno penaa, ka tomentuwu?

1 Samueli 12:13

Kanandio-andio, ndiomo mokole anu bininiki ka inemamiu. Menteeano Ondae i Ue mompotoro Iramo mokolemiu.