Podoaa 25:3 - Wunta Mempori

³ Mansado to Isaraeli mpe'ini moroso ndi Baala-Peori, tesingkaomo tekuda-Do i Ue a nto Isaraeli.

Podoaa 25:3 ပူးပေါင်းရင်းမြစ်များ

Po'unde-unde 90:11

Isemake tumo'orio rosono tekuda-Miu ka mokonto'orio bamburu-Miu ranta ka idoitoa-Komiu?

Yeremia 17:4

Tia pusakamu anu Kuweeakomumo ta tepotola inso ndi omue, ka Aku mokogagiko atado iwalimu i wita anu nahi uto'orio, hangano upolangaomo api a laro ntekuda-Ku anu ta melanga nahina tampulaano.”

Hosea 4:14

Nahi Aku humuku ira anamu beine maupo domponsosabo, ke luwuno kombiado ana ntamamu, maupo dompebelesu. Sine, tamado isa'a melako mpe'asaako ira beine mebelesu ka mompesombaako pesomba meronga luwuno mia mebelesu a raha pesombaa susua. Bawaa anu nahina ponto'orino ta tedonta.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Podoaa 25:5

Mepauomo i Musa a luwuno puu mpobitarado to Isaraeli, ”Omiu asalakono singge mia mepate ira miano anu me'iniomo moroso ndi Baala-Peori.”

Podoaa 31:16

Komba luwuno beine andio ke, a mpatuduno i Bilea gagi pompu'uano to Isaraeli nahi dompetenunu ndi Ondae i Ue anu gagi ndi Peori, ranta kai petii pohuku umalu ira bawaa-Do i Ue.

Yosua 22:17

Nde napi sompo ke ndi ontae hala anu i Peori atuu, anu napi topokomorinao koroito hawe oleo andio, anu weweu ira bawaa-Do i Ue mpohawe haki,

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

Puu Mpobitara 2:20

Tensilaomo tekuda-Do i Ue a nto Isaraeli, ka Dopepau, ”Hangano tongku andio molalo pedandia anu Kutenaako iramo ue mpu'udo, ka nahi domerongeo pau-Ku,