Podoaa 24:8 - Wunta Mempori

⁸ Ondae Ue Ala anu wawa ira mpeluarako inso i Masiri, kana tanduno onua ndi ondae. Ira mengkaano luwuno tongku anu gagi iwalido ka puroo luwuno wukudo saru mepateako ira panado.

Podoaa 24:8 ပူးပေါင်းရင်းမြစ်များ

Po'unde-unde 2:9

Ondae Komiu puroako ira Tarasulu labu, peha ira kana kuro wita wineweuno puu poweweu koro.”

Po'unde-unde 21:12

Tewala ira mpowawa masolaa ndi omue, ponsongka mpopopo'oo, nahi ira mempolio.

Po'unde-unde 45:5

Pete'umalaomo ponangia hangano menteea, peleluno mia anu moiko, ka moleoa! Po'ineeomo kae ngkoanamu paguruakomu luwuno wineweu anu mongkokongiri!

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Peluarakoa 23:22

Sine tewala mentee ntu'u imerongeo pinauno, ka imeweweuo luwuno anu pinau-Ku, Aku me'iwaliako ira iwalimiu, ka umewai ira anu umewai komiu.

Yesaya 38:13

mebooli aku mepetulungi hawe mo'oru; kana singa kanatuumo Dopuro-puroo i Ue luwuno wukuku; meene wongi Ipo'inee aku.

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 50:9

Hangano menteeano, Ongkue lumeluo ka mokotesingkao te'aro i Babeli asa tepumpuado tongku langkai inso i utara. Ondae mpo'atora baresi ira me'ewaio, insomo i ra'ai kota atuu ta pinongko'ala. Luwuno panado kana sorodadu anu pande ntu'u, anu nahi hori mekule saru kae mooa.

Danieli 6:24

Mokole tedoa mawongko ka onae meparenta ka idinii i Danieli inso a laro aa. I Danieli diniiomo inso a laro aa, ka nahina mobela hapamo koa ndi onae, hangano ipe'ala-ala Ira Ue Alano.

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

Podoaa 21:5

Ka do'amba mpepauki umewai Ira Ue Ala ka i Musa, ”Tembio ka Iwawa kami mpeluarako inso i Masiri? Ka kimemate i pada one andio? Hangano i ndi'ai nahina roti ka nahina uwoi, ka kaanga motewe andio nte'osa kamimo.”

Podoaa 23:22

Ondae Ue Ala, anu wawa ira mpeluarako inso i Masiri, kana tanduno onua ndi ondae,

Podoaa 23:24

Kitao, asa tongku anu mentade kana singa waino, ka mentade moleo kana singa lakino anu nahi pomboleo koroino, ba napi kaano rinakono ka mo'inu reano pinongko'alano anu pinepateno.”

I MATIU 2:15

ka mo'ia i ra'ai ranta ka imate i Herode. Gagiomo kanatuu, ka ite'inihii anu pinau-Do i Ue molalo nabi, ”Inso i wita Masiri Kupoboio Ana-Ku.”

Winali 32:23

Aku humowuiako ira masolaa, mepanaakono luwuno ana mpana-Ku ndi ondae.

Winali 32:42

Aku mokomolanguakono rea ana mpana-Ku ka ponai-Ku ta mongkaa bau: reado mia anu tinobo ka anu tinawa, luwuno petewawado iwali anu mpewuu ondau.”

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 2:10

Nde kimerongeo, nine Ondae i Ue moko'areo Tahi Teberau i aromiu, tempono impelempa mpeluarako inso i wita Masiri, ka hapa anu wineweumiu ia orua ira Mokoledo to Amori i asatowano koro Yarade, ndi Sihoni ka ndi Ogo, anu pinepatemiumo.