Podoaa 24:17 - Wunta Mempori

¹⁷ Kukitao, sine komba kanandio-andio, kukitao, sine napi umpeda. Anano wula mesabaako inso ndi Yako, tuko poparentaa me'umbaako inso i Isaraeli, ka puro ira nipi-nipido to Moabi, ka mokotampulao luwu anano i Seti.

Podoaa 24:17 ပူးပေါင်းရင်းမြစ်များ

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

2 Samueli 8:14

Ka i'amba numaa ira luwuno sorodadu mpodagai i wita Edomi. A luwuno wita Edomi inaa ira sorodadu mpodagai, ranta luwuno wita Edomi mpetenunu ndi Daudi. Ondae i Ue moweeakono ponangia ndi Daudi isuamo koa ilako.

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Mokole 3:5

Sine mansano mate i Ahabi, mokoledo to Moabi umewaio mokoledo to Isaraeli.

1 Tawarika 18:2

I Daudi numangi ira koa mbo'u to Moabi, ranta to Moabi mpetenunu ndi onae ka asalakono pompesombaako peki'ue.

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Yesaya 15:1

Pau-Do anu pabawa a nto Moabi. Mentee ntu'u, i larono asa wongi Ari-Moabi sinolangiomo, pinokotampula; mentee ntu'u, i larono asa wongi Kiri-Moabi sinolangiomo, pinokotampula!

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 48:1

Mongkona Moabi. Kanandiomo pau-Do Ueno luwuakoano, Ue Alado to Isaraeli, ”Masolaomo ntu'u Nebo, hangano kota atuu rinawo-rawoomo! Kota Kiriataimi pinokoko'iiomo ka pinongko'ala! Kota bente atuu pinokoko'ii ka rinawo-rawo;

Yeremia 48:45

A mpe'engoano Hesiboni anu mempolai mpenaa-naa, pingko rosodo; sine api meluarako inso i Hesiboni, langano api inso a langkanaeno i Sihoni, anu kumaano ka ipingko nipi-nipino Moabi ka taku uludo anu mporisui.

Sakaria 10:4

Inso ndi ondae ta me'umbaako siuno watu, inso ndi ondae ta me'umbaako pandorano kema, inso ndi ondae ta me'umbaako pana mpetea, inso ndi ondae ta me'umbaako luwuno anu mempabawa mperonga-ronga.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

Podoaa 21:29

Masolakomo, oo Moabi! Memasola komiumo, oo tongkuno i Kamosi! Iweweuo luwuno ana ntamano gagi mia mpolai, ka luwuno anano beine gagi mia ntinawa ndi Sihoni, mokoledo to Amori.

Podoaa 24:16

pepauno mia anu rumongeo pau-Do Ue Ala, ka tumo'orio ponto'ori-Do Ue Ala Anu Tedoa Mantande, anu kumitao pongkita inso Anu Tedoa Pabawa, anu mepombole sine mata tewile.

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

IBARANI 1:8

Sine mongkona Ana mepau Ira, ”Kadera poparentaa-Miu, oo Ue Ala, kongko mpiha motilalo ka nahina tampulaano, ka tuko poparentaa-Miu onaemo tuko menteea.

IBARANI 7:14

Hangano domento'oriomo luwuno mia, nine Ondae Ueto tepu'u inso a nsuku Yehuda ka mongkona suku atuu nahi hori i Musa mompau maupo te'asa mongkona luwuno sando pesomba.

2 PETURU 1:19

Hangano kanandio komoro-morosomami hangano pau anu dompohaweomo luwuno nabi. Tedoa moiko tewala impekokoongakono mengkena kana mompekokoongako hulu anu mewanta a mpo'ianga anu wongi-wongi hawe ka ipesabaako towea ka buntala i sabaano oleo saba mewanta i laro aroamiu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 1:7

Kitaomo, hawe Ira melaro nseru ka sompo mata ta kumita Ira, ondae mbo'u anu tumobo Ira. Ka luwuno tongku i tolino ira mensabangi Ira. Humbee, ami.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”

1 Samueli 14:38

Ka i'amba motae i Saulu, ”Luwuno petewawa palili ime'aiwa i ndi'ai. Impepenteeo, hala hapa anu wineweu oleo andio ka igagi kanandio.