Podoaa 24:14 - Wunta Mempori

¹⁴ Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

Podoaa 24:14 ပူးပေါင်းရင်းမြစ်များ

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Yesaya 24:22

Ondae ira mepinumpu mperonga-ronga, kana mia tinaha wininso a laro ngkeke; ondae ira mewininso a laro torungku ka ta hinuku umarino tempo anu tehine.

Yeremia 48:47

Sine, lembuino Aku momuleo teweweuno Moabi, kanandiomo pau-Do i Ue.” Hawemo i ndi'ai pau pohuku ndi Moabi.

Yeremia 49:39

Sine, oleo lembuino Aku momuleo teweweuno Elami, kanandiomo pau-Do i Ue.”

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Mika 6:5

Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Podoaa 24:17

Kukitao, sine komba kanandio-andio, kukitao, sine napi umpeda. Anano wula mesabaako inso ndi Yako, tuko poparentaa me'umbaako inso i Isaraeli, ka puro ira nipi-nipido to Moabi, ka mokotampulao luwu anano i Seti.

Podoaa 24:25

Mepatindaomo i Bilea ka ipekule a mpo'iangano ka i Bala mbo'u lumako inso a mpo'ianga atuu.

WINEWEUDO TINENA 2:17

Ta gagi a oleo pokotompa – kanandiomo pau-Do Ue Ala – nine Aku motiio Penaa-Ku a luwuno mia; ka anamiu tama ka beine ira mpompau anu ta gagi, ka mangalitaumiu ira mpohawe pongkita, ka miamiu anu mota'u ira memo'ipi.

2 TIMOTIU 3:1

To'oriomo nine a luwuno oleo pokotompa ta hawe tempo anu masukara.

Yosua 13:22

Ka mbo'u i Bilea anano i Beori, sando atuu dompepate iramo to Isaraeli mompake ponai, saru mia memate anu tinobodo.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.