Podoaa 23:9 - Wunta Mempori

⁹ Hangano inso a punsuno luwuno torukuno watu kupensiroi ira, inso a luwuno pongku wita kukita ira. Kitao, asa tongku anu tuwu asa-asano ka nahi behe dinoa i olono luwuno tongku mpelahumoa.

Podoaa 23:9 ပူးပေါင်းရင်းမြစ်များ

Esera 9:2

Hangano ondaedo ka anado, mpokombia iramo ana beinedo mia atuudo, ranta mpesaloomo inuleno anu mempori saru luwuno tongku i wita atuu, ka luwuno anu pinemota'u ka anu pabawa tese'elu mpoweweuo anu nahi penunu.”

Esetere 3:8

Onaemo ka ipepau i Hamani ndi ondae mokole Ahasiwero, ”Hinao aasa tongku anu tuwu ntetia-tia ka tensia i olodo luwuno tongku i larono luwuno wita poparentaamiu ueku, ka songkado nahi mpengkena saru songkado luwuno tongku ka songkamiu mokole nahi domentondao, onaemo pu'uno nahi penunu omiu mokole mo'inee ira mpoweweu po'ehedo.

Peluarakoa 33:16

Gagi kana'umpe ira mento'orio mia, nine mohawe akumo pompehohawa i aro-Miu, ongkue ka bawaa-Miu andio? Kombake hangano Omiu kumongkomi kami, ranta omami, ongkue ka bawaa-Miu pinesusua inso a luwuno tongku i wawontolino?”

Yeremia 46:28

Omue siimo doito, hei tetenaa-Ku Yako, kanandiomo pau-Do i Ue, hangano Ongkue kumongkomiko: Aku pingko ira luwuno tongku anu i tonga-tongano omue Kusiarawoko, sine omue nahi Aku mokopingkoko. Aku tumunduhiko montonda songka, Nahi Aku mo'ineeko tola kanatuumo koa.”

Yeremia 49:31

Imelakomo mensapoio tongku anu tuwu sanaa, anu mpo'ia merodo, kanandiomo pau-Do i Ue, ka anu nahina pewowa langkaino ke lansono, saru mo'ia asa-asano!

Amosi 9:9

”Hangano menteeano, Kuparenta ira, ka Aku dumuku ira tongku Isaraeli i olono luwuno tongku, kana mia montirisaako pontirisa, ka nahina maupo te'asa one anu tedonta a wita.

Mika 7:14

Bawaa-Miu Ipakambiako iramo tuko-Miu, bawaano bimba lano Omiu ueno, anu mo'ia asa-asano a laro ntobu i tonga-tongano lere wua ngkeu. Po'ineeomo domengkaano ewo i Basani ka i Gileadi kana i tempono ndi'ipua.

2 KORINTI 6:17

Onaemo pu'uno: Impeluarakomo inso i olodo, ka impensuaako iramo, pau-Do i Ue, ka si mpo'angga anu mokoburu, ka Aku tumarima komiu.

Winali 32:8

Tempono Ondae anu Tedoa Mantande, montia pusaka a luwuno tongku, tempono Doponsiao luwuno mia, Dopakosio witado luwuno tongku montonda doano luwuno anano i Isaraeli.

Winali 33:28

I Isaraeli mo'ia rodo a mata uwoino i Yako nahi umonsoio i asa wita anu hinao gandu ka anggoro; maupo langino mompo'iti tontoru.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako: